Buxoro davlat universitetida raqamli muhitda xavfsiz va samarali faoliyat yuritishni ta’minlash, shuningdek, xodimlarning axborot texnologiyalaridan foydalanish bo‘yicha bilim va ko‘nikmalarini yanada mustahkamlash maqsadida muhim tadbirlar tashkil etildi. Jumladan, Raqamli ta’lim texnologiyalari departamenti xodimlari tomonidan kibermadaniyatni yuksaltirish hamda kompyuter savodxonligini oshirishga qaratilgan bir qator amaliy va tushuntirish uchrashuvlari o‘tkazildi.
Mazkur uchrashuvlar Buxoro davlat universitetining Bimolarni saqlash va obodonlashtirish departamenti hamda Marketing va karyera bo‘limi xodimlari ishtirokida tashkil etilib, unda zamonaviy axborot-kommunikatsiya texnologiyalaridan to‘g‘ri foydalanish, kiberxavfsizlik qoidalariga amal qilish, shaxsiy va xizmat ma’lumotlarini himoyalash, zararli dasturlar va firibgarlik holatlaridan ogoh bo‘lish masalalariga alohida e’tibor qaratildi.
Shuningdek, uchrashuvlar davomida kompyuter va internetdan samarali foydalanish, elektron hujjatlar bilan ishlash, raqamli platformalar va onlayn xizmatlardan to‘g‘ri foydalanish bo‘yicha amaliy tavsiyalar berildi. Ishtirokchilar o‘zlarini qiziqtirgan savollarga mutaxassislar tomonidan batafsil javoblar oldilar hamda real misollar asosida muhokamalar olib borildi.
Mazkur tadbirlar universitet xodimlarining raqamli savodxonligini oshirish, axborot xavfsizligi madaniyatini shakllantirish hamda ish jarayonlarida zamonaviy texnologiyalardan samarali foydalanishni kengaytirishga xizmat qilmoqda.
