2025-yil 27-noyabr kuni Buxoro davlat universitetining Psixologiya kafedrasida “Kibermadaniyatni yuksaltirish oyligi” doirasida targ‘ibot-tashviqot tadbiri tashkil etildi.
Tadbir davomida ishtirokchilarga axborot xavfsizligi asoslari, internet va ijtimoiy tarmoqlardan mas’uliyat bilan foydalanish, shaxsiy ma’lumotlarni himoya qilish, kuchli parollar yaratish va ularni oqilona boshqarish bo‘yicha amaliy tavsiyalar berildi. Shuningdek, kibermadaniyat talablariga rioya qilish, kiberfiribgarlik va zararli dasturlardan himoyalanish, taqiqlangan kontentlarga qarshi “raqamli immunitet”ni shakllantirish masalalari ham yoritildi. Tadbir yakunida ishtirokchilar raqamli makonda xavfsiz va ongli faoliyat yuritish bo‘yicha zarur ko‘nikmalarga ega bo‘ldi.
