Buxoro davlat universitetining Tabiiy va agrobiotexnologiya fakultetida faoliyat olib boruvchi professor-o‘qituvchilar, ishchi-xodimlar hamda fakultetda ta’lim oluvchi talabalar bilan davra suhbatlari tashkil etildi. Tadbirning asosiy maqsadi yoshlar o‘rtasida axborot madaniyati va kiberxavfsizlik bo‘yicha bilimlarni oshirish, ularni raqamli makonda xavfsiz faoliyat yuritishga o‘rgatishdir.
Davra suhbatlarida ishtirokchilarga shaxsiy ma’lumotlarni himoya qilish, internetdan mas’uliyat bilan foydalanish, fishing va boshqa kibertahdidlardan ogoh bo‘lish bo‘yicha tushuntirishlar berildi. Shuningdek, parol siyosatidan oqilona foydalanish bo‘yicha yo‘riqnomalar tanishtirilib, amaliy maslahatlar berildi.
Tadbir ishtirokchilari interaktiv mashg‘ulotlar orqali raqamli xavfsizlikning kundalik hayotdagi ahamiyatini o‘rgandilar va onlayn faoliyatda xavfsizligini ta’minlash bo‘yicha amaliy ko‘nikmalarni mustahkamlash imkoniyatiga ega bo‘ldilar.
Ushbu tashkiliy ishlar natijasida talaba-yoshlar o‘rtasida axborot madaniyati va kiberxavfsizlik sohasidagi bilim darajasi sezilarli darajada oshdi.
