Buxoro davlat universitetida “Kibermadaniyatni yuksaltirish va kibergigiyenani shakllantirish oyligi” doirasida bir qator targ‘ibot-tashviqot tadbirlari tizimli ravishda amalga oshirilmoqda. Ushbu tadbirlarning asosiy maqsadi – talaba va xodimlar o‘rtasida raqamli xavfsizlik madaniyatini kuchaytirish, kiberxavflardan himoyalanish ko‘nikmalarini shakllantirish hamda shaxsiy ma’lumotlarni ishonchli himoya qilishga e’tiborni oshirishdir.
Oylik doirasida mutaxassislar ishtirokida profilaktik suhbatlar, taqdimotlar va amaliy mashg‘ulotlar tashkil etilib, unda kiberjinoyatlarning oldini olish, zararli ilovalarni tanib olish, soxta xabar va havolalardan ehtiyot bo‘lish bo‘yicha foydali tavsiyalar berilmoqda.
BuxDUda mazkur yo‘nalishdagi ishlar izchil davom ettirilmoqda va kelgusida ham raqamli madaniyatni yuksaltirish bo‘yicha qator loyihalar amalga oshirilishi rejalashtirilgan.
Tadbirlar Buxoro davlat universitetinign Raqamli ta'lim texnologiyalari departamenti boshlig'i M.Z.Xusenov, AXT bo'yicha mas'ul xodim hamda Amaliy matematika va dasturlash texnologiyalari kafedrasi o'qituvchisi R.N.Salimov tomonidan manzilli ko'rinishda tashkil etilib, tadbir davomida kelib tushgan taklif va mulohazalar atroflicha o'rganilib bundan keyingi faoliyatlarda amalda qo'llash bo'yicha ishlar amalga oshirilib borilmoqda.
