Buxoro davlat universiteti Xotin-qizlar masalalari bo‘yicha maslahat kengashi raisi Oliy Majlis Senati Raisining “Faxriy yorlig‘i” bilan taqdirlandi
8-mart — Xalqaro xotin-qizlar kuni munosabati bilan oliy ta’lim tizimida ilm-fanni rivojlantirish, innovatsion faoliyatni qo‘llab-quvvatlash hamda xotin-qizlarning ijtimoiy-siyosiy va ilmiy salohiyatini yuksaltirish yo‘lida samarali faoliyat olib borayotgan bir guruh fidoyi ayollar Oliy Majlis Senati Raisining “Faxriy yorlig‘i” bilan taqdirlandi.
Ana shunday e’tirof sohibalari qatorida Buxoro davlat universiteti Xotin-qizlar masalalari bo‘yicha maslahat kengashi raisi Lobar Xaydarova ham borligi alohida quvonchlidir.
Mazkur mukofot universitet jamoasining xotin-qizlarni har tomonlama qo‘llab-quvvatlash borasidagi izchil siyosatining e’tirofi sifatida ham ahamiyatlidir. Bu esa ta’lim muassasasida sog‘lom ijtimoiy muhitni shakllantirish, ayollarning ilm-fan va boshqaruvdagi rolini mustahkamlash yo‘lida amalga oshirilayotgan ishlarning yuksak natijasidir.
