“Yangi O‘zbekiston qiyofasidagi mahalla” dasturi doirasida yig‘ilish o‘tkazildi
Bugun Buxoro davlat universitetida “Yangi O‘zbekiston qiyofasidagi mahalla” dasturi doirasida Buxoro viloyatida “Taraqqiyot va yetakchilik maskani” dasturini amalga oshirish bo‘yicha ZOOM platformasi orqali yig‘ilish bo‘lib o‘tdi. Yig‘ilishda universitet rektorining 2026-yil 6-fevraldagi 73-U-sonli buyrug‘i asosida belgilangan vazifalar muhokama qilindi.
Dastur doirasidagi asosiy yo‘nalishlar:
✅ Mahallalarda bepul psixologik maslahat markazlarini tashkil etish
✅ Yoshlar uchun til o‘rganish va IT yo‘nalishida tizimli o‘quvlar yo‘lga qo‘yish
✅ San’at, adabiyot, teatr va musiqa bo‘yicha to‘garaklar tashkil qilish
✅ Sport sohasida mashhur sportchilar bilan uchrashuvlar o‘tkazish
✅ Robototexnika va sun’iy intellekt yo‘nalishlarini targ‘ib qilish
✅ Kitobxonlikni rivojlantirish, “Kitob javoni” loyihasini amalga oshirish
✅ Yoshlar, migrantlar va kasb-hunarga qiziqishi bor fuqarolarni o‘qitishlar muhokama qilindi.
Har bir MFY bo‘yicha amalga oshirilgan ishlar haqida kunlik ma’lumotlar Telegram’dagi @BuxDU_mahalla_hamkorligi rasmiy guruhiga taqdim etib borilishi belgilandi.
