BuxDUda "Atrof-muhitni asrash har birimizning burchimizdir" shiori ostida davra suhbati o‘tkazildi
Joriy yilning 20-avgust kuni universitetda "Atrof-muhitni asrash — har birimizning burchimizdir" shiori ostida pedagog-xodimlar ishtirokida davra suhbati tashkil etildi. Tadbirning asosiy maqsadi ekologik ong va madaniyatni yuksaltirish, tabiatga ehtiyotkorlik bilan yondashish masalalari yuzasidan fikr almashishdan iborat bo‘ldi.
Davra suhbatida atrof-muhitni muhofaza qilishda ta’lim muassasalarining o‘rni, o‘qituvchilar va yosh avlod o‘rtasida ekologik tarbiyani mustahkamlash masalalari muhokama qilindi. Universitet rahbariyati, yetakchi professor-o‘qituvchilar hamda turli fakultet va bo‘lim vakillari atrofidagi tabiiy muhitni asrash bo‘yicha amalga oshirilayotgan ishlar, muammolar va kelgusi rejalar haqida o‘z fikrlarini bildirishdi.
