30-iyul – Xalqlar do‘stligi kuni munosabati bilan “Buxoro” bolalar sog‘lomlashtirish oromgohida madaniy-ma’rifiy tadbir tashkil etildi.
Tadbirda Buxoro davlat universiteti Yoshlarni ma’naviy yuksaltirish departamenti psixologi, dotsent Nozira Musinova o‘ziga biriktirilgan bolalar bilan maxsus dastur asosida ishtirok etdi.
Ushbu dastur doirasida bolalar uchun do‘stlik, bag‘rikenglik va madaniy xilma-xillik mavzularida turli qiziqarli o‘yinlar va ma’rifiy mashg‘ulotlar o‘tkazildi. Bu orqali ular o‘zaro hurmat, birlik va xalqaro do‘stlik g‘oyalarini yanada chuqurroq anglab yetishdi.
Tadbir bolalar va o‘smirlar uchun nafaqat dam olish, balki ruhiy va ma’naviy o‘sish uchun ham muhim imkoniyat bo‘ldi.
Xalqlar do‘stligi kunining mazmun-mohiyatini yanada mustahkamlash maqsadida o‘tkazilgan ushbu tadbir ishtirokchilarga unutilmas taassurotlar qoldirdi.
#BuxDU95yilligi #Dolzarb90kun
