"Jaholatga qarshi maʼrifat bilan" mavzusida davra suhbati tashkil etildi
“Dolzarb 90 kunlik” loyihasi doirasida yoshlarning yozgi taʼtil davrida bo‘sh vaqtlarini mazmunli o‘tkazish, ularni maʼnaviy-maʼrifiy jihatdan qo‘llab-quvvatlash maqsadida @BuxDU_5tashabbus rasmiy telegram kanalida “Jaholatga qarshi maʼrifat bilan” mavzusida davra suhbati tashkil etildi.
Mazkur davra suhbatini Buxoro davlat universiteti Tarix-yuridik fakulteti yoshlar bilan ishlash bo‘yicha dekan o‘rinbosari Nodir Rizayev olib bordi.
Tadbir davomida yoshlar ongida maʼrifatparvarlik g‘oyalarini mustahkamlash, ularni turli zararli oqimlar va yot g‘oyalardan asrash, bilim va tafakkur orqali jaholatga qarshi kurashishning dolzarbligi yuzasidan atroflicha fikr-mulohazalar bildirildi.
Mazkur tashabbus doirasidagi bunday maʼrifiy tadbirlar yoshlarning ijtimoiy faolligini oshirish, ularni milliy qadriyatlar va sog‘lom dunyoqarash asosida tarbiyalashga xizmat qiladi.
