Islom Karimov nomidagi Fond tomonidan O‘zbekiston oliy o‘quv yurtlari talabalari o‘rtasida insholar tanlovi o‘tkazildi. Mazkur tanlov O‘zbekiston Respublikasi Birinchi Prezidenti xotirasini abadiylashtirish, yosh avlodning respublikamiz yangi tarixi xususidagi hamda mamlakatimiz davlat mustaqilligini qaror toptirish, xalqaro barqarorlikni ta‘minlash va Vatanimizning tarixiy-madaniy merosini qayta tiklashda Islom Karimovning tarixiy xizmatlari borasidagi bilimlarini oshirish maqsadida tashkil etildi.Tanlov 22 yanvardan 22 fevralgacha o‘tkazildi. Mazkur tanlovda 3 ta o‘rin va ijodiy ishlari yuqori ball to‘plagan 7 nafar ishtirokchiga rag‘batlantiruvchi sovg‘alar ya‘ni Fond logotipi tushirilgan Kindle bukriderlari taqdim etildi. Mazkur yettilik ichida Buxoro davlat universiteti Filologiya fakulteti ingliz tili ta‘lim yo‘nalishi 2 kurs talabasi Rayxona Temirova ham rag‘batlantirildi. Bilimli va iqtidorli talabalar safi yanada kengaysin.
