23-dekabr kuni “Mehr-muruvvatni birga ulashaylik” nomli shiori ostida, Turizm fakulteti, “Mehmonxona xoʻjaligini tashkil etish va boshqarish” yoʻnalishi, 3-1MX-17 guruhi talabalari va guruh rahbari E.A.Farmanov Buxoro viloyat mehribonlik uyiga tashrif buyurishib, bolalarga quvonch ulashishdi. Talabalarni mehribonlik uyi bosh vrachi Sh.I.Shamsiyeva kutib oldilar.Talabalar mehribonlik uyiga turli xildagi sovg`alar bilan borishdi va ularni bolalarjonlarga ulashishdi. Tabiiyki, bundan bolalarning koʻngillari togʻdek koʻtarildi.Tashrif chogʻida jajji bolajonlar oʻzlari tayyorlagan yangi yil raqsi, oʻyinlar hamda she’rlarini talabalar va qorboboga taqdim etishdi. Yangi yil raqs dasturidan soʻng mehribonlik uyi xodimlari Turizm fakulteti talabalariga oʻz minnatdorchiligini bildirishdi.
