Bugun, Buxoro davlat universiteti katta majlislar zalida 18-noyabr Oʼzbekiston Respublikasi davlat bayrogʻi qabul qilinganligining 33 yilligi munosabati bilan Tarix va yuridik fakulteti tomonidan tashkil etilgan "Bayrogʼim-faxrim" deb nomlangan bayram tadbiri boʼlib oʻtdi.
Tadbir Oʼzbekiston Respublikasi davlat madhiyasi ijrosi bilan boshlandi.
Tadbirni BuxDU rektori O.X.Xamidov kirish soʻzi bilan ochib berdi. U nutqi davomida davlatimiz ramzi boʼlmish bayrogʼimiz oʼzida aks etgan ranglar tasnifini aytib oʼtdi hamda bugungi kunda butun dunyo boʻylab oʼtkazilayotgan har sohadagi (sport, sanʼat, ilm-fan…) anjuman va musobaqalarda yurtimiz bayrogʻi hilpirayotganligini taʼkidladi. Barcha yurtdoshlarimizni bugungi bayram bilan samimiy qutladi.
Tadbir davomida turkiy tillarda talaba-yoshlar tomonidan aytilgan qutlovlar tinglandi.
Shuningdek, Milliy gvardiya katta serjanti Z.Zaripov tomonidan ona vatanimizni madh etuvchi qoʼshiq ijro etildi.
Tarix fanlari boʻyicha falsafa fanlari doktori, dotsent Mahmudjon Orziyev tabrik uchun soʼzga chiqdi.
Tadbir davomida ko'ngillarni diyorimizga nisbatan yanada faxr iftixorga to'ldiruvchi she'r va qo'shiqlar tinglandi.
Tadbir so'ngida Tarix va yuridik fakulteti dekani Bobir Namozov bugungi shodiyona bilan barchani muborakbod etdi.
