Bugun, 8-oktabr kuni O'zbekiston Respublikasi Adliya vaziri Akbar Toshqulov va yurisprudensiya yoʻnalishi talabalari uchrashuvi tashkil etildi. Uchrashuv avvalida universitet rektori O.X.Xamidov soʻzga chiqib talabalarni savol va takliflarini tinglash uchun o'z vaqtini ayamagan Adliya vaziri Akbar Toshqulovga minnatdorchilik bildirdi.
Uchrashuv davomida Adliya vaziri Akbar Toshqulov soʻzga chiqib, jamiyatimiz kelajagi boʻlgan yoshlarga yurisprudensiya sohasi rivoji va uning yoʻnalishlari haqida gapirib o'tib, hozirgi kunda ushbu soha gʻoyat muhimligini, shu bilan birga, raqobat kuchliligini aytdi.
Raqobatbardosh kadr boʻlib yetishish uchun talabalar oʻz ustida ishlashlari boʻyicha kerakli yoʻnalishlar berildi, jumladan, chet tillarini oʻrganish, internet tarmoqlaridan unumli foydalanish. Uchrashuv qizgʻin savol-javoblarga ulanib ketdi. Yoshlar oʻzlarini qiziqtirgan savollar, takliflarni toʻgʻridan toʻgʻri vazirga yoʻlladilar.
Yurisprudensiya yo'nalishi 3-bosqich talabasi Joʻrayeva Sarvinoz ushbu yoʻnalish yuzasidan turli universitetlar oʻrtasida tanlov va olimpiadalar uyushtirish taklifi bilan chiqdi. Akbar Toshqulov bu taklifni qabul qilib, universitetda "Yosh yuristlar", "Yosh advokatlar" singari klublar tashkil etish lozimligini aytdi.
Ochiq muloqot davomida talaba-yoshlar savol-javoblarga faol ishtirok etishdi. Shuningdek, tadbir davomida Buxoro yuridik texnikum o'quvchilari va oʻqituvchilari hamda maktablardagi huquqshunoslik fani oʻqituvchilari o'z savollari bilan Adliya vazirigi savollari bilan yuzlandilar.
