Ilmiy ishlar va innovatsiyalar bo'yicha prorektor To'lqin Rasulov bugungi kunda universitetda amalga oshirilayotgan islohotlar, BuxDUdagi ilmiy-innovatsion faoliyat, asosiy ko`rsatkichlar, mavjud infratuzilma obyektlari, bugungi kunga qadar erishilgan yutuqlar, muassasa hududida faoliyati yo'lga qo'yilgan tijorat tashkilotlari xususida so'zlab berdi.
O'zbekiston Respublikasi Oliy ta'lim, fan va innovatsiyalar vazirining o'rinbosari Shahloxon Turdiqulova talabalarga turli xizmatlar ko'rsatish markazi "Registrar ofis" faoliyati, tadbir va marosimlar o'tkaziladigan yig'ingoh, sport zallari, bandlik markazi, 500 ming adabiyot sig‘imiga ega Axborot resurs markazi bsilan yaqindan tanishdi.
Buxoro davlat universiteti O'quv ishlari bo'yicha prorektori Rustam Jumayev talabalarga qulaylik yaratish maqsadida 34 ta xizmat turlari faoliyatini qamrab olgan “ofis-registrator” markazi hamda 500 ming adabiyot sig‘imiga ega Axborot resurs markazi faoliyati, nodir kitoblar, o'quv zallari, har bir foydalanuvchiga istalgan axborot resursdan foydalanish uchun qilingan tadbirlar xususida so`zlab berdi.
O'zbekiston Respublikasi Oliy ta'lim, fan va innovatsiyalar vazirining o'rinbosari Shahloxon Turdiqulova Qurilish sanoati, robotexnika, biotexnologiya, to'qimachilik, qishloq xo'jaligi, tibbiyot, san'at kabi sohalardagi ilmiy-texnik hamda startap loyihalarni ko'zdan kechirish asnosida ularning mualliflari bilan birma bir suhbatlashdi. Xususan, "Azkamar (Shofirkon) gil-tuprog‘i (bentoniti) ni kimyoviy kayta ishlab qurilish va lak-bo‘yoq sanoatida ishlatiladigan tabiiy mineral pigmentlar olish", "Yog'inbardosh antipiren mahsulotlar", "STEM yo‘nalishida Arduino bazasida asoslangan kontruktorlar", "To'qimachilik sanoati suvlarning cho'kindilari asosida gazobeton mustahkamligini oshirish", "Mikroskopik suvo‘tlarni (xlorella, stsenedesmus) va yuksak suv o‘simliklarini (pistiya, ryaska) ko‘paytirish va ularni baliqchilikda hamda oqova suvlarni tozalashda qo‘llash", “Resurs tejamkor ohorlovchi polimer-kompozitsiyalar yaratish va to‘qimachilik korxonalarida joriy etish texnologiyasi”, "Buxoro viloyatida granulali omuxta yem ishlab chiqarishni tashkil etish", "Ruhiy, kardiologik, gastronologik va boshqa turdagi kasalligi bо‘lgan bemorlarning dori qabul qilishini nazorat qiluvchi qurilmaning prototipini yaratish", "Buxoro tarixiy an'analari asosida yaratilgan milliy uslubdagi ustun, dekor va stul" kabi loyihalar yaqindan o'rganildi.
BuxDU Matbuot xizmati
