Bugun Buxoro davlat universiteti faollar zalida Peshku tuman hokimi Qahhorov Vahob Hamidovich va Buxoro davlat universiteti bakalavr ta’lim yoʻnalishlari va magistratura mutaxassisliklari bitiruvchilari ishtirokida “Tuman hokimi va yoshlar uchrashuvi” boʻlib oʻtdi. Tadbirda jami 148 nafar bitiruvchi ishtirok etdi.
Tadbir qizgʻin savol-javob tarzida tashkil etildi va tuman hokimi hamda mutasaddi tashkilot vakillariga yoshlab tomonidan murojaatlar bildirildi. Bundan tashqari savollar ham berildi. Xususan, “Obidxoʻja” MFY da yashovchi “Milliy gʻoya, ma’naviyat asoslari va huquq ta’limi” yoʻnalishi talabasi tomonidan hozirgi kunda Tarix fanidan repetitorlik qilayotganligi, oʻzining repetitorlik faoliyatini amalga oshirishi uchun barcha oʻquvchilariga qulay joydan bino kerakligi, tuman hokimligi tomonidan yer ajratilsa bino qurish imkoniyati borligini bildirdi. Tuman hokimi tomonidan yer ajratish auksion orqali boʻlganligi uchun nokimlik bu jarayonga aralasha olmasligini, ammo, agar talabaga ma’qul kelsa shu mahallaga yaqin 23-maktabda bir sinfxonani bepul ajratib berilishini va barcha jihozlar bilan ta’minlab berilishini ma’lum qildi.
4-bosqich “Filologiya va tillarni oʻqitish: oʻzbek tili” yoʻnalishi talabasi Hikmatov Abduqodir Romitan tuman hududdida 16-maktab binosida repetitorlik faoliyatini olib borishini, shu maktabga ishga joylashmoqchi boʻlganda ish oʻrni yoʻqligini aytishganini, shu sabali ham hozirda ishsiz ekanligini, oʻz tumanida ish kerakligini bildirdi. Bundan tashqari yosh oila boʻlganligi uchun subsidiya asosida uy olishga amaliy yordam berishni soʻradi. Unga javoban oʻzi istiqomat qiladigan MFY da joylashgan 34-maktabdan ish ajratishlarini va bu masala bilan tuman Maktabgacha va maktab ta’limi boʻlimi boshligʻi shaxsan shugʻullanishini, ikkinchi masala boʻyicha daromadi talabga javob bersa tuman markazidagi turar joy binolaridan subsidiya asosida uy ajratilishini ma’lum qildi.
4-bosqich “Tarix” yoʻnalishi bitiruvchisi hozirgi kunda Tarix fanidan repetitorlik qilayotganligi, 50 nafar oʻquvchisi borligini, oʻzining repetitorlik faoliyatini amalga oshirishi uchun bino kerakligi, tuman hokimligi tomonidan 2 sotix yer ajratilsa, bino qurish imkoniyati borligini, oʻzi va kursdoshlari bilan birga oʻsha yerda bino qurib kurs faoliyatini davom ettirishini bildirdi. Tuman hokimi tomonidan yer ajratish auksion orqali boʻlganligi uchun hokimlik bu jarayonga aralasha olmasligini, ammo, agar talabaga ma’qul kelsa “Navoiy” MFY hududidagi bozorga yaqin joyda yangi 2 –qavatli bino qurilganligini, lekin foydalanilmayotganligini aytib shu yerni olib berishini va barcha jihozlar bilan ta’minlab berilishini ma’lum qildi.
4-bosqich “Tarix” yoʻnalishi talabasi Po’latov Azim (“Oʻzbek” MFY da istiqomat qiladi) tumandagi 10-maktabda ham ishlab ham Tarix fanidan repetitorlik qilishini, bir nechta oʻquvchilari fan olimpiadalarida va kubok uchun musobadalarda qatnashib faxrli oʻrinlarni qoʻlga kiritib kelayotganligini, hozirgi kunda oʻquv markazida 63 nafar oʻquvchi ta’lim olishini va 5 nafar oʻqituvchi ish bilan ta’minlanganligini lekin, oʻquv jihozlari, stol-stul bilan yetihmovchiligi borligini ma’lum qilib, tuman hokimligi tomonida amaliy yordam berilsa yana 5 nafar oʻqituvchini ish bilan ta’minlay olishini va yana koʻplab oʻquvchilarini fan olimpiadalarida yuqori oʻrinlarni qoʻlga kiritishiga koʻmaklashishini ma’lum qildi. Tuman hokimi tomonidan mazkur masala darhol hal qilinishini, agar ma’qul kelsa oʻzi istiqomat qiladigan mahalla hududida joylashgan maktabda hokimlik majlislari uchun zamonaviy jihozlangan zal borligini va shu zalni kurs binosi sifatida toʻliq berilishini, jihozlar bilan ham toʻliq ta’minlab berilishini ma’lum qildi.
4-bosqich “Jismoniy madaniyat” yoʻnalishi bitiruvchisi Hakimov Hikmatillo (“Bobohoji” MFY) oʻqishni tamomlagandan soʻng chet davlatga chiqib ketmasdan oʻzi yashaydigan hududga yaqin 13- yoki 15-maktada dars bermoqchiligini, yengil atletika: qisqa masofaga yugurish boʻyicha 3-razryadi borligini ma’lum qilib, ish topib berishlarini soʻradi Tuman tuman Maktabgacha va maktab ta’limi boʻlimi boshligʻi ikki maktabda ham ish oʻrni borligini aytib ishga qabul qilinishini bildirdi.
3-bosqich “Madaniyat tadbirlarini tashkil etish va boshqarish” yoʻnalishi bitiruvchisi oʻz ta’lim yoʻnalishida ish soʻrab murojaat qildi. Shunda tuman hokimi tomonidan tuman Madaniyat boʻlimi 0.5 stavkaga ishga qabul qilinishi bildirildi.
Talabalardan tashqari oʻqituvchilar, fakultet dekanlari va kafedra mudirlari tomonidan takliflar bildirilib, bu takliflar tuman hokimi tomonidan ma’qullandi. Xususan, “Nemis filologiyasi” kafedrasi oʻqituvchisi tumandagi maktablarda nemis tiliga oʻqitishni kengroq yoʻlga qoʻyish boʻyicha, “Oʻzbek filologiyasi” kafedrasi oʻqituvchisi tomonidan tumandagi 6, 32, 34-maktablarda shu maktablar qurilishiga tamal toshini qoʻygan oʻqituvchilar xotirasiga muzeylar tashkil qilish boʻyicha, “Tabiiy fanlar” fakulteti dekani tominidan fakultetdagi “Kmyo” va “Ekologiya” yoʻnalishlari bitiruvchilari uchun vakant ish oʻrinlari sonini koʻpaytirish boʻyicha takliflar berishdi
