Bugun BuxDU professor-o‘qituvchilari, talabalari va ishchi-xizmatchilari bilan “Fuqaro muhofazasi” kuni o‘yingohda o‘tkazildi.
O‘zbekiston Respublikasi Bosh vaziri – Fuqaro muhofazasi boshlig‘ining 2023-yil 6-yanvardagi 1-son buyrug‘i, O‘zbekiston Respublikasi Oliy ta’lim, fan va innovatsiyalar vazirligining 2023-yil 31-yanvardagi 15-son buyrug‘i va Buxoro viloyati Fuqaro muhofazasi boshlig‘ining 2023-yil 13-yanvardagi 1/163-15-son buyrug‘i hamda Buxoro davlat universitetining joriy yilning 10 fevraldagi 67-U-son buyruqlari talablari asosida Buxoro davlat universitetida “Fuqaro muhofazasi” kunini samarali va uyushqoqlik bilan tashkil qilindi.
Fuqaro muhofazasi kunini o‘tkazishdan maqsad universitet Fuqaro muhofazasi tuzilmasi a’zolari va professor-o‘qituvchilar, talabalar hamda ishchi-xodimlarini favqulodda vaziyatlarda tezkor harakat qilishga tayyorlash va ularda favqulodda vaziyatlarda tezkor harakat qilish ko‘nikmalarini hosil qilishdan iborat.
Shu kuni soat 9:00 da Favqulodda vaziyatlar xavfi to‘g‘risida qo‘ng‘iroq orqali xabar yetkazildi, 1, 2 va 3-o‘quv binolarida joylashgan fakultetlar dekanlari evakuatsiya chizmalariga asoslanib, binolarning har bir qavatdagi tushish yo‘laklari va zinapoyalariga mas’ul xodimlarni biriktirib, har qanday nofush holatlarini oldini olish maqsadida professor-o‘qituvchilar, talabalarni belgilangan xavfsiz xududga evakuasiya qilish choralarini ko‘rdilar, professor-o‘qituvchilar, talabalar va ishchi-xizmatchilar hamda ma’muriyat xodimlari 1, 2 va 3-o‘quv binolari komendantlari tomonidan xavfsiz xudud o‘yingoh tomon yo‘naltirildi. Universitet binosidan chetda joylashgan fakultetlar 20 nafardan jamoat a’zolari bilan soat 9:00 da o‘yingohga yetib keldilar.
Fuqaro muhofazasi kuni tadbirida Buxoro shahar Favqulodda vaziyatlar bo‘limi boshlig‘i o‘rinbosari kapitan N.Qurbonov ishtirok etdi.
Universitet fuqaro muhofazasi tuzilmalari sardorlari va fakultet dekanlari o‘yingohda belgilangan joyda joylashishdi. Fuqaro va mehnat muhofazasi bo‘limi boshlig‘i Fuqaro muhofazasi shtabi boshlig‘i R.Gʻ. Jumayevga tuzilmalar tayyorgarligi to‘g‘risida axborot berdi.
Fuqaro muhofazasi kuni tadbirini Buxoro davlat universiteti Fuqaro muhofazasi shtabi boshlig‘i, o‘quv ishlari bo‘yicha prorektori R.Gʻ.Jumayev “Fuqaro muhofazasi” kunini ochib, Fuqaro muhofazasi kuni o‘tkazish asoslari, maqsadi va “Zilzila” mavzusida va 2023-yil 30-aprel kuni o‘tkaziladigan referendium haqida ma’ruza qildi.
Universitet tabiiy fanlar fakulteti ekologiya va geografiya kafedrasi o‘qituvchilari, 1 va 2-sanitar drujinasi sardorlari G.Murodova, N.Ochilov va kafedra o‘qituvchilari, sanitar drujinasi a’zolari S.Mardonova, R.Sharofiddinovalar “Qon ketishda birinchi tibbiy yordam ko‘rsatish” va “Suyak sinishlarda birinchi tibbiy yordam ko‘rsatish” mavzusida ma’ruza qilib, amaliyotda ko‘rsatib beradilar.
Yong‘in o‘chirish guruhi sardori J.Kamolov yong‘in o‘chirish vositasi yordamida yong‘in o‘chog‘ini bartaraf etishni amaliy ko‘rsatib berdi.
Buxoro viloyat FVB yong‘in qutqaruv otryadi qutqaruv ekipaji a’zolari Favqulodda vaziyatlar sodir bo‘lganda uning oqibatlarni bartaraf etishda qo‘llaniladigan texnik kuch vositalarni ishlatish, foydalanish tartiblari to‘g‘risida amaliy ko‘rsatib berdi.
Buxoro shahar FVB boshlig‘i o‘rinbosari kapitan N.Qurbonov Fuqaro muxofazasi tuzilmalari vazifalari va majburiyatlari haqida, Buxoro viloyat IIB YXXB matbuot guruhi rahbari U.Shukrullayev va Buxoro shahar IIO FM boshqarmasi YXXB xodimi F.Bekmurodovlar yo‘l xarakati xavfsizligi va qoidalari to‘g‘risida ma’lumot berdi.
Buxoro davlat universiteti Fuqaro muhofazasi shtabi boshlig‘i, o‘quv ishlari bo‘yicha prorektori R.Gʻ.Jumayev “Fuqaro muhofazasi” kuni tadbirini o‘tkazish tartibi borasida o‘z xulosalari aytib, fakultet va bo‘lim rahbarlariga o‘z tavsiya va takliflarini bildirdi, shu bilan birga tadbirga yakun yasadi.
Universitet Fuqaro muhofazasi shtabi boshlig‘i R.Gʻ.Jumayev, Buxoro shahar FVB boshlig‘i o‘rinbosari kapitan N.Qurbonov Fuqaro muhofazasi tuzilma sardorlari va a’zolari bilan vazifa va majburiyatlari haqida surishtirib, Favqulodda vaziyatlar paytida kerakli kuch vositalar bilan ta’minlanishi haqida suhbatlashdi.
F.F. Boltayev,
Universitet fuqaro va mehnat muhofazasi sektori muhandisi
