Tabiiy fanblar fakulteti Organik va fizkolloid kimyo kafedrasi dotsenti Mardonov O`ktam Mardonovich bilan M.V. Lomonosov nomidagi Moskva davlat universiteti tuproq kimyosi kafedrasi dotsenti va tuproq biologiyasi kafedrasi dotsenti Timofeyeva Yelena Aleksandrovna va Gracheva Tatyana Aleksandrovnalar bilan tuproq kimyosi, sho`rlangan Buxoro tuproqlarida yig`ilib qolgan o`g`itlar komponentlarini faolligini oshirish va tuproqda akkumulyatsiya tufayli yig`ilib qolgan zaharli og`ir metal birikmalarini eruvchanligini oshirish, tuproqni unumdorligini oshirish va bunda kafedradagi mavjud fizik-kimyoviy tadqiqot usullari hamda jihozlaridan foydalanish bo`yicha o`zaro hamkorlik masalalari muhokama qilindi. Bunda talabalar va yosh mutaxassis kadrlar almashinuvi to`grisida tegishli tartibdagi o`zaro hamkorlikni yo`lga qo`yish ko`rib chiqildi.
Organik va fizkolloid kimyo kafedrasi tayanch doktoranti Ganiyev Baxtiyor Shukurulloyevich bilan mochevina hosilalarining tuproqqa ta`siri natijasida sodir bo`ladigan agrokimyoviy o`zgarishlar va ularni hamkorlikda tadqiq etish bo`yicha tegishli usul hamda metodlardan foydalanish bo`yicha ma`lumotlar almashindi.
Bundan tashqari mehmonlar fakultetdagi “Kimyo”, “Ekologiya va geografiya” kafedralariga tegishli o’quv va ilmiy laboratoriyalar faoliyati bilan ham yaqindan tanishdilar.
