Buxoro davlat universiteti Jismoniy madaniyat fakultetida 5817 nafar talaba tahsil olsa, shundan 893 nafarari bitiruvchi bosqich talabalari hisoblanadi. Bugun 14-fevral kuni Jismoniy madaniyat fakulteti bitiruvchi talabarini ish bilan bandligini ta’minlash maqsadida "Karyera-2023" loyihasi doirasida tadbir tashkillashtirildi. Tadbirda O‘zbekistan Respublikasi Milliy gvardiyasi Qo‘riqlash boshqarmasi bo‘lim boshlig‘i podpolkovnik N.Bozorov, Buxoro viloyat Qo‘riqlash boshqarmasi bo‘lim boshlig‘i, mayor A.Qahhorov, Buxoro IIB ma’naviy-ma’rifiy ishlar, kadrlar bilan ta’minlash xizmat boshlig‘i o‘rinbosari podpolkovnik G.Hamidov, Harbiy prokratura katta leytenanti D.Abdullayev, viloyat Yoshlar siyosati va sport bosh boshqarmasi xodimlari, BuxDU Jismoniy madaniyat fakulteti dekani B.Ma’murov, dekan o‘rinbosarlari, kafedra mudirlari, professor-o‘qituvchilar hamda talaba-yoshlar ishtirok etdi.
"Uchrashuvdan ko‘zlangan asosiy maqsad bitiruvchi yoshlarni ish bilan ta’minlash, harbiy organ vakili bo‘lish uchun qay tartibda hujjatlar taqdim etish hamda organlar faoliyati bilan yoshlarni yaqindan tanishtirishdir. Bundan tashqari, organ vakili bo‘lishga qiziqish bildirgan bitiruvchilarni jarayonning o‘zida to‘g‘ridan-to‘g‘ri hujjatlarini elektron tarzda qabul qilish ham amalga oshirishdir" - deydi fakultet dekani Bahodir Ma’murov.
Ochiq muloqot shaklida davom etgan suhbatda talabalar o‘zlarini qiziqtitgan savollarga atroflicha javoblar olishdi.
"Bugungi tadbirda o‘zimga kerakli ma’lumotlarni bilib oldim. Masalan sport sohasida ishga joylashish tartibi, kerakli hujjatlar, murabbiylik ish jarayoni haqida muhim ma’lumotlarni oldim. Bundan tashqari ishga joylashish bo‘yicha viloyat Yoshlar siyosati va sport bosh boshqarmasi bilan murabbiylik faoliyatini yuritish, ishga joylashish bo‘yicha shartnoma imzoladim. Tadbir tashkilotchilariga o‘z minnatdorchiligimni bildiraman" - deydi 4-bosqich talabasi Amirbek Temirov.
Buxoro davlat universitetida "Karyera-2023" tadbirlari davom etadi.
