Joriy yilning 5-fevralidan 10-fevraligacha Turizm sohasida 35 yil davomida ta`lim berib kelgan Malayziyaning "City" universiteti professori Datin Juliana Puteri Buxoro davlat universiteti tashrif buyurib, Buxoro davlat universiteti rektori Obidjon Xamidov bilan uchrashuv o'tkazdi.
Shuningdek, Datin Juliana Puteri Fransiyaning Turizm sohasida yetakchi oliy ta'lim muassasasi hisoblangan Vatel mehmonxona va turizm biznes oliy maktabi o'rtasida tashkil qilingan Xalqaro mehmonxona menejmenti qo'shma bakalavriat dasturi talabalariga 30 soatlik ma'ruza va amaliyot darslarini o'tdi.
Shuningdek, Xorijiy professor-o'qituvchi tashrifi kun tartibida o'quv mashg'ulotlarini olib borishdan tashqari bir-biridan qiziq tadbirlar o'rin oldi. Jumladan: 8-fevral kuni Buxoroning eski shahar qismi bo'ylab kichik madaniy ekskursiya tashkil qilindi. Ekskursiyada ushbu dasturda tahsil olayotgan talabalar har bir turistik obyektlar bo'yicha qiziqarli ma'lumotlar berildi.
9-fevral kuni Xorijiy professor-o'qituvchi Buxoro shahrida joylashgan Rangrez mehmonxonasida talabalar uchun Malayziya taomlarini tayyorlash bo'yicha mahorat darsi o'tkazdi. Shuningdek talabalar xorijiy professor-o'qituvchini o‘zbek madaniyati, milliy liboslari, milliy taomlari bilan tanishtirdilar. 10-fevral kuni xorijiy professor-o'qituvchi va BuxDU qo'shma dasturlari Xalqaro mehmonxona menejmenti yo'nalishi talabalariga dars beruvchi o'qituvchilar uchun davra suhbati bo'lib o'tdi. Davra suhbatida xorijiy professor 35 yillik turizm sohasidagi o'qituvchilik faoliyati davomida ortirgan bilim ko'nikmalari bilan o'rtoqlashdi.
