Buxoro davlat universitetida “MY OFFICE” coworking markazi hamda ”I – INNOTURIZM” mas’uliyati cheklangan jamiyatining ochilish marosimi bo`lib o`tdi.
"MY OFFICE" coworking markazi BuxDu rektori Obidjon Xamidov tashabbusi bilan o`z biznes g`oyasiga ega, mehnat faoliyatini amalga oshirish uchun shaxsiy ofisga muhtoj bo`lgan BuxDU talabalariga qulaylik yaratish maqsadida ishga tushmoqda. Markaz ikki qismdan iborat bo`lib, unda konferensiya zali hamda talabalar ishlashi uchun barcha qulayliklarga ega markaz zamonaviy jihozlangan, zarur adabiyotlar hamda texnologiyalar bilan ta’minlangan.
BuxDU talabalarini ishga jalb qilgan holda viloyatdagi barcha korxonalarga iqtisodiy, moliyaviy, buxgalteriya hisobi va audit xizmatlarini ko`rsatish, innovatsion hamda startap loyihalarni qo`llab-quvvatlash va amalga oshirish, biznes inkubatsiya, biznes akseleratsiya va Coworking zanjiri orqali amalga oshirish hamda startaplar ekotizimini rivojlantirish maqsadini ko`zlagan I – INNOTURIZM” mas’uliyati cheklangan jamiyati ishlash istagidagi tirishqoq talabalarning orzusini amalga oshirishda ko`makdosh bo`ladi.
