Kengash avvalida Oliy Attestatsiya komissiyasi qarori bilan tasdiqlangan ilmiy unvon va ilmiy daraja olgan professor-o‘qituvchilar hamda turli tanlovlarida ishtirok etib, faxrli o`rinni egallagan talabalar tabriklandi va mukofotlar bilan taqdirlanishdi.
BuxDU rektori Obidjon Xamidov tomonidan O‘zbekiston Respublikasi Prezidenti Shavkat Mirziyoyevning 2022-yil 20-dekabrdagi Oliy Majlis va O‘zbekiston xalqiga Murojaatnomasi asosida universitetda ta’lim sifatini yanada oshirish bo‘yicha belgilangan ustivor vazifalar ijrosini ta’minlash xususida ma’ruza qilindi. Yoshlar masalalari va ma’naviy-ma’rifiy ishlar bo‘yicha Birinchi prorektor A.A. Amonov 8-dekabr – O‘zbekiston Respublikasi Konstitutsiyasi kuni munosabati bilan universitet miqyosida hamda tyutorlar tomonidan amalga oshirilgan ishlar tahlili, giyohvandlik, VICH, OITS, chekish va boshqa yuqumli kasalliklarni oldini olish borasida amalga oshirilgan ishlar to‘g‘risida axborot berdi. Ilmiy ishlar va innovatsiyalar bo'yicha prorektor T.H. Rasulov tomonidan 2022-yil yakunlari, natijalar, tahlillar, 2023-yilga mo’ljallangan rejalar, 2023-yil uchun doktorant (DSc), tayanch doktorant (PhD), mustaqil izlanuvchilar va stajyor izlanuvchilarning qabul natijalari, ularning shaxsiy rejalari, yakka tartibdagi dasturlarini tasdiqlash hamda ilmiy rahbarlarni tayinlash to‘g‘risida ma’ruza qilindi. Xalqaro hamkorlik bo‘yicha prorektor A.T.Jo‘rayev xalqaro hamkorlik faoliyatining 2022-yil yakunlari, natijalar, tahlillar, 2023-yilga mo’ljallangan rejalar to‘g‘risida so`zladi. Kengashda, shuningdek, 2021-2022 o’quv yili davomida korrupsion huquqbuzarliklarning oldini olish, milliy reyting indikatorlari bo`yicha amalga oshirilgan ishlar, professorlik va dotsentlik unvoniga tavsiya qilish uchun professor - o‘qituvchilarning attestatsiya ishi hujjatlarini OAK ga yuborish, “BukhSU Business Innovations” akademik spin-off unitar korxonasi tashkiliy-huquqiy shaklini va nomini o‘zgartirish hamda nizomini tasdiqlash kabi bir qator masalalar xususida ham so`z bordi.
