Buxoro davlat universiteti Xorijiy tillar fakulteti dotsentlari M.M. Rahmatova va M.B. Axmedovalar Germaniyaning Göttingen universitetida xizmat safarida bo’lib turibdilar. Georg August Göttingen universiteti dunyoning QS tizimida 215 o’rinni egallagan, universitetda Sharq va Eron xalqlari tillari, adabiyoti va tarixi o’rgatiladi. Professor Eva Orthmannning BuxDUga tashrifi doirasida Xorijiy tillar fakulteti bilan hamkorlik o’rnatilib, DAAD programmasiga loyiha topshirish rejalastirilgan edi. Tashrif mobaynida Germaniya hukumati tomonidan moliyalashtiriladigan DAAD programmasining “Higher Education Dialogue with Islam World” loyihasida qatnashib, Göttingen universiteti bilan hamkorlikda 2023-2025 o’quv yillari davomida universitet tadqiqotchilari va talabalarini o’zaro malaka oshirishlarini tashkil qilish masalasi muhokama qilindi. Erasmus loyihasi uchun yangi fikrlar almashildi va darslar tashkil qilindi. Digital Humanities va Corpus Linguistics yo’nalishi mutaxassisi, professor Marco Coniglio va Göttingen universiteti xalqaro aloqalar bo’limi boshlig’i Netra Bhandari bilan uchrashuvlar tashkil qilinib, Erasmus loyihalarida qatnashish bo’yicha hamkorlik masalalari kelishildi. Bu tashrif ikkala tomon uchun ham samarali natijalarga boy bo’ladi, deb umid qilamiz.
