Smenar treningni Ekologiya kafedrasi dosenti, b.f.n. M.M.To’raev kirish so’zi bilan ochib, bugungi kunda insoniyat oldida turgan ekologik tanglik va uning oqibatida yuzaga kelayotgan muammolarni bartaraf etish borasidagi joylarda amalga oshirilayotgan ijobiy tadbirlar haqida fikr yuritdi. Respublikamizda, jumladan universitetimizda bu borada bir qator ijobiy ishlar amalga oshirilganligi ta’kidlab o’tildi.Shundan so’ng so’z, tadbir mehmoni, Toshkent porfessor-o’qituvchilarini malakasini oshirish instituti professori, geografiya fanlari doktori A.N.Nigmatovga berildi. A.Nig’matov uch chiqishida dastlab Respublikamizda Ekologik ta’lim holati va kelajak istiqbollari masalasiga qaratdi va dunyoda kuzatilayotgan ekologik muammolar va ularni hal qilish yo’llari, turli ko’rinishda o’z echimini topayotganligi, shu o’rinda O’zbekistonda kuzatilayotgan mintaqaviy hududiy ekologik muammolar, ularni oldini olishda bugungi kunda ekologik ta’limning muhim ahamiyatga ega ekanligi xususida fikr yuritdi. Mustaqillikka erishgandan so’ng dastlabki kunlardan boshlab, ta’limga berilayotgan e’tibor, xususan ekologik ta’limning bugungi kundagi holati, yosh avlodga ekologik ong va madaniyatni shakllantirishga alohida etibor berilayotganligi aytildi. Fikrimizni dalili sifatida 2015 yildan boshlab uzluksiz ta’limdan kasb-hunar kollejlari va akademik liseylarda ekologiya fanining 2 hissa ortganligi fikrimizning yorqin dalilidir. Albatta bu bilan mintaqamizdagi ekologik muammolar to’liq hal qilingani yo’q. Buning uchun uzluksiz ta’limda boshlang’ich ta’limdan boshlab ekologiya fanlari o’tilishi kerakligi alohida e’tirof etildi. Bu masala yuzasidan talabalar o’zlarini qiziqtirgan savollarini berishdi.Ekologik ta’limning jahon tajribasi va uni Buxoro davlat universitetida aks etishi masalasining muhokamasi. Shundan so’ngA.Nig’matov “Ekologik ta’limning jahon tajribasi va uni Buxoro davlat universitetida aks etishi” masalasiga ham alohida to’xtalib o’tib, O’zbekistonda olib borilayotgan ekologik ta’lim jahon tajribasida kelib chiqib, takomillashib borayotganligini namoyon bo’lmoqda. Oliy ta’lim tizimida ekologiya ta’limni rivojlantirish, uni moddiy bazasini takomillashtirish, ilg’or tajribalarini amaliyotda tadbiq etish muhim. Birgina Buxoro Davlat universitetida so’nggi (2012-2016 yillar) davomida bajarib kelinayotgan Xalqaro TEMPUS dasturlari doirasida 30 000 evro miqdorida ekologik tahlillarni amalga oshirish imkoniyatiga ega bo’lgan asbob anjomlar xarid qilinganligi va maxsus laboratoriya xonasi jihozlanganligi, professor-o’qituvchilarni bir qator evropa mamlakatlaridagi ilg’or oliygohlarida malaka oshirishda bo’lib qaytganligini ko’rsatish mumkin. Ammo bu bilan cheklanib qolish kerak emas. Kelajakda bu kabi ilmiy-ijodiy ishlarni yanada kengaytirib, aholini keng qatlamiga ekologik dunyoqarashni shakllantirish darajasiga erishishimiz lozim. Shunda biz atrof muhit ekologik muammolarini bartaraf etishning qulay va samarali imkoniyatiga ega bo’lamiz deb ta’kidladi. Shuningdek yig’ilishda “Milliy uzluksiz ekologik ta’limni Barqaror rivojlanish nuqtai nazaridan rivojlantirish yo’llari” masalasining muhokamasi ham seminar trening ishtirokchilari diqqat markazida bo’ldi. Ekologik muammolarni bartaraf etishning ustuvor yo’nalishlaridan biri bu Barqaror rivojlanish hisoblanadi. Barqaror rivojlanish deganda tabiiy resurslarni me’yorida kelajak avlod ulushiga ziyon etkazmay foydalanish tushuniladi. Ammo joylarda bu borada bajarilishi kerak bo’lgan bir qator vazifalar turibdi. Har birimiz bu ishga mas’ul ekanligimizni his eta olmayapmiz.Tabiiy resurslardan foydalanish shu zaylda davom ettirilsa ularning zahirasi yaqin yillarda tugashi sir bo’lmay qoldi. Shunday ekan, mamlakatimizda muqobil energiya manbalaridan foydalanishning tadbirlarini yo’lga qo’yishga o’z hissamizni qo’shimiz lozim. Seminar- trening davomida ushbu masalalarga bag’ishlangan slaydlar namoyish etib borildi
