Qadrli kasaba uyushmalari xodimlari va faollari!
Sizlarni kasb bayramingiz – “O‘zbekiston kasaba uyushmalari kuni” bilan chin qalbimdan tabriklayman.
So‘nggi yillarda aholini ijtimoiy qo‘llab-quvvatlash, inson huquq va manfaatlarini ta’minlashda kasaba uyushmalari faol ishtirok etib kelmoqda. “Inson qadri uchun” g‘oyasini umummilliy harakatga, yurtimizni keng imkoniyatlar va amaliy ishlar mamlakatiga aylantirishda davlat va jamoat tashkilotlari bilan bir qatorda, kasaba uyushmalari ham muhim o‘rin tutadi. Kasaba uyushmasi – fuqarolarning mehnat faoliyatidagi umumiy manfaatlarini bog`lab turadigan, ularning ijtimoiy-iqtisodiy huquq va manfaatlarini yoqlab, himoya qiladigan ixtiyoriy jamoatchilik birlashmasidir. Kasaba uyushmasi xodimlarini ma’naviy qo`llab-quvvatlash tashkilotning fidoyi xodimlarini rag`batlantirishga, ish sifatining oshishiga xizmat qiladi.
Hurmatli kasaba uyushmalari xodimlari! Yana bir bor so`nggi yillarda keng miqyosda, hurmat va e’tibor bilan nishonlanayotgan kasb bayramingiz qutlug` bo`lsin! Barchangizga sihat-salomatlik, mas’uliyatli va oliyjanob ishlaringizda yangi yutuqlar tilayman.
