Kengash avvalida Oliy Attestatsiya komissiyasi qarori bilan tasdiqlangan ilmiy unvon va ilmiy daraja olgan professor-o‘qituvchilar tabriklandi. Xalqaro va respublika tanlovlarida ishtirok etib, faxrli o`rinni egallagan Jismoniy madaniyat fakultetining sportchi talabalari hamda San'atshunoslik fakultetining talantli yoshlari universitet rahbariyati tomonidan diplom va esdalik sovg`alari bilan taqdirlandilar.
Universitet rektori, kengash kotibi Oliy Attestatsiya komissiyasi qarori bilan tasdiqlangan ilmiy unvon va ilmiy daraja olgan barcha professor-o‘qituvchilarni erishgan yutuqlari bilan tabriklab, ularning kelgusidagi ilmiy-ijodiy faoliyatlariga omad tiladi.
Shundan so`ng, BuxDU rektori Obidjon Xamidov kengash a’zolariga joriy yilning 26-oktabr kuni Samarqand shahrida bo‘lib o‘tgan Oʻzbekiston-Rossiya 3-taʼlim forumining ahamiyati va amaliy natijalarini o`rtoqlashdi.
O‘zbek tiliga davlat tili maqomi berilgan kun munosabati bilan universitet miyosida hamda tyutorlar tomonidan amalga oshirilgan ishlar xususida Yoshlar masalalari va ma’naviy-ma’rifiy ishlar bo‘yicha Birinchi prorektor A.A. Amonovning axboroti tinglandi. O‘quv-uslubiy ishlar bo‘yicha prorektor R.G‘. Jumayev O‘quv jarayonini takomillashtirish, ilg‘or xorijiy tajriba asosida zamonaviy ta’lim va axborot-kommunikatsiya texnologiyalaridan samarali foydalanish hisobiga ta’lim sifatini oshirish bo‘limida amalga oshirilayotgan ishlar hamda Buxoro davlat universiteti professori, faxriy professori, dotsenti va katta o‘qituvchisi lavozimlarini egallash “Tartibini” tasdiqlash xususida to`xtaldi. Ilmiy ishlar va innovatsiyalar bo'yicha prorektor T.H. Rasulov Oliy ta’limdan keyingi ta’lim institutida tahsil olayotgan doktorant (DSc) va tayanch doktorant (PhD)lar ilmiy faoliyati samaradorligi natijalari monitoringini e’lon qildi.
Kengashda tanlovlar va turli boshqa qator masalalar xususida ham batafsil so`z bordi.
