Fransiyaning O'zbekistondagi elchixonasi ta'lim hamkorligi bo'yicha mintaqaviy attashesi - Serge Bellini, hamda Fransiyaning Didier FLE nashriyoti pedagogik mas'uli - Assma Boulaich, Buxoro shahrida Fransuz Aliansi (Aliance française de Boukhara) tashkil etish uchun qulay bo'ladigan joylarni ko'zdan kechirish va universitet fransuz tili o'qituvchilari bilan suhbat qurish maqsadida Buxoro davlat universitetiga tashrif buyurishdi.
Suhbat davomida Didier FLE nashriyoti mas'ul xodimi - Assma Boulaich Didier FLE nashriyoti tomonidan chop etilgan fansuz tili o'qitish metodik darsliklari, ulardan samarali foydalanish usullari, internetdan qo'shimcha resurslardan foydalanish yo'llari haqida gapirib o'tdi. Ta'lim hamkorligi bo'yicha mintaqaviy attashesi - Serge Bellini Institut francais tomonidan talaba o'quvchilar uchun qulaylik yaratish maqsadida yaratilgan culturetheque.com kitoblar portali bilan tanishtirdi. Tashrif davomida mehmonlar universitetimiz kutubxonasi fondi, talabalarga yaratilgan shart-sharoitlar bilan yaqindan tanishib chiqishdi. Tashrif davomida xorijiy tillar fakulteti bilan yaqindan tanishildi. Talabalar bilan suhbatlashildi. Buxoro davlat universiteti uchun kerakli axborot resurslarini yetkazib berish masalasi ko`rib chiqildi.
