UNIWORK: Markaziy Osiyo Oliy ta’lim muassasalarida karera markazlari faoliyatini kuchaytirish orqali bitiruvchilarning ish o’rinlarini yaratish hamda ishga joylashish imkoniyatlarini kengaytirish.Hozirgi kunda yoshlar o’rtasida ish bilan bandlikni ta’minlash barcha mamlakatlarda dolzarb masalalardan biri bo’lib turibdi. Chunki, mehnat qobiliyatiga ega bo’lganlar soni iqtisodiy taraqqiyotga mos ravishda oshib bormoqda. Ushbu holatga qo’shimcha ravishda yoshlarda tadbirkorlik yuritish malakalarining etishmovchiligi oqibatida oliy ta’lim muassasalari bitiruvchilari o’zlariga mos bo’lgan ish o’rinlarini topishda qiyinchiliklarga duch kelishlari mumkin. Shu sababli, yoshlar o’rtasida ish bilan bandlik imkoniyatlarini kengaytirish davlatlar siyosatida ustuvor maqsadlardan biridir.Yuqorida keltirilganlardan kelib chiqqan holda, mazkur loyiha doirasida ishtirokchi davlatlarning har birida Yoshlar o’rtasida ish bilan bandlik va tadbirkorlik masalalari bo’yicha milliy forumlar o’tkazildi. Forumlarda yoshlar o’rtasida bandlik va tadbirkorlik bo’yicha mavjud holat tahlil qilindi, etakchi tajriba hamda muvaffaqiyatli tashabbuslar o’rganib chiqildi, oliy ta’lim muassasalaridagi karera markazlarining ahamiyati tavsiflandi. Forumlar natijasida ish bilan bandlikni ta’minlash hamda tadbirkorlikni qo’llab-quvvatlashga, ishlab chiqarish bilan OTMlar hamkorligini kuchaytirishga yo’naltirilgan milliy strategiyalarga tegishli taklif va tavsiflar ishlab chiqildi. 2016 yilning 10-11 mart kunlari Buxoro shahrida “Yoshlar o’rtasida ish bilan bandlik va tadbirkorlik masalalari bo’yicha mintaqaviy forum” o’tkazildi. Forumda Markaziy Osiyoning barcha mamlakatlari hamda Evropa Ittifoqidan mutaxassislar, OTMlar, Oliy ta’lim Vazirliklari, savdo-sanoat palatalari hamda tadbirkorlik sub’ektlaridan vakillar ishtirok etishdi. Forum kun tartibiga dolzarb masalalarning mintaqa darajasidagi muhokamasi kiritilgan.Bitiruvchilar uchun ishga joylashish masalasi muhim ahamiyat kasb etadi. Nazariy jihatdan tayyorgarlik bilan bir qatorda, bitiruvchi kuchli amaliy tayyorgarlik hamda tadbirkorlik qobiliyatiga ehtiyoj sezadi. Maxsus malakalarning yo’qligi, tanlangan ta’lim yo’nalishi bilan mehnat bozori talablari o’rtasidagi ehtimoliy nomutanosiblik, o’ziga ishonchning sustligi bir qator qiyinchiliklarga sabab bo’ladi.Yoshlar o’zlarining ishga joylashish imkoniyatlarini kengaytirish maqsadida nima qilishlari mumkin? Ular ishga joylashish uchun nimalarni amalga oshirishlari zarur? Ular o’zlarini mehnat bozorida qanday qilib namoyon qilishlari hamda muvaffaqiyatga erishishlari mumkin? “Yoshlar o’rtasida ish bilan bandlik va tadbirkorlik masalalari bo’yicha mintaqaviy forum” aynan mana shu savollarga javob berdi. “UNIWORK: Markaziy Osiyo Oliy ta’lim muassasalarida karera markazlari faoliyatini kuchaytirish orqali bitiruvchilarning ish o’rinlarini yaratish hamda ishga joylashish imkoniyatlarini kengaytirish” loyihasi oliy ta’lim muassasalari bilan ishlab chiqarish sohasi o’rtasidagi aloqalarni kuchaytirishga qaratilgan. Buning natijasida loyiha bitiruvchilarni ish bilan ta’minlash hamda talabalar orasida tadbirkorlik madaniyatini targ’ib qilish borasida OTMlarning salohiyatini yuksaltirishga hissa qo’shadi.Loyihani amalga oshirish natijasida quyidagi maqsadlarga erishiladi: ish bilan bandlik va tadbirkorlik sohasida Markaziy Osiyo hamda Evropa Ittifoqida to’plangan ilg’or tajriba bo’yicha ma’lumotlar bazasi yaratiladi; hamkor OTMlardagi 12 ta karera markazi xodimlarining salohiyati oshiriladi; mazkur markazlar faoliyatining tashkiliy mexanizmlari takomillashtiriladi; talabalar uchun karera kunlari, bandlik yarmarkalari, biznes-reja tanlovlari tashkil qilish orqali turli xizmatlar taklif qilinadi; manfaatdor tomonlar hamda korxonalar bilan hamkorlik kuchaytiriladi; erishilgan natijalar maqsadli guruhlar hamda manfaatdor tomonlarga taqdim qilinadi. Loyihaning barqaror faoliyati va natijalari nafaqat ishtirokchi 12 OTM, balki mintaqada barcha tegishli tashkilot va ta’lim muassasalari uchun foydali bo’ladi.[widgetkit id=72]
