30 may 2015 yil Buxoro pedagogika kollejida BuxDU jismoniy tarbiya fakultetining “Jismoniy tarbiya nazariyasi va uslubiyoti” hamda “Fakultetlararo jismoniy tarbiya va sport” kafedralari o‘qituvchilari tomonidan bilim yurtida jismoniy tarbiya, sport tadbirlarini yanada jonlantirish borasida “Yoshlar va sport” mavzusida davra suhbati tashkil etildi Buxoro pedagogika kollejida jismoniy tarbiya fani o‘qitilishi, sport tadbirlarini yo‘lga qo‘yilishida o‘zaro hamkorlikni (uslubiy-tashkiliy) jonlantirish maqsadida, bilim yurtidagi turdosh kafedra a’zolari hamda “Jismoniy tarbiya” ixtisosligi yo‘nalishida tahsil olayotgan talabalar bilan “Yoshlar va sport” mavzusida davra suhbati tashkil etildi. Davra suhbatini “Jismoniy tarbiya nazariyasi va uslubiyoti” hamda “Fakultetlararo jismoniy tarbiya va sport” kafedralarining o‘qituvchi, katta o‘qituvchilari D. I. Ro‘ziyev, B. YA. Fozilovlar olib berdilar. SHuningdek, davra suhbatida pedagogika kolleji “Jismoniy tarbiya” kafedrasi mudiri Carvar Husenova, kafedra o‘qituvchilaridan Kamolov Shavkat, Bobomurod Hamro, Murodov Feruz, Qorayeva Dilrabolar ham ishtirok etdilar. Davra suhbati chog‘ida katta o‘qituvchi D. I. Ro‘ziev, o‘qituvchi B. YA. Fozilovlar O‘zbekiston Respublikasi mustaqillikka erishgan kunlardan boshlab hozirga qadar, respublikamizda yoshlarning jismoniy tarbiya va sport bilan muntazam shug‘ullanishlari, chiniqib borishlari borasida olib borilayotgan davlat siyosati imkoniyatlar, respublika, viloyatlar miqyosida tashkil etilayotgan sport tadbirlari haqida batafsil ma’lumotlarni o‘tdilar. Ayniqsa, mamlakatimizda yo‘lga qo‘yilgan uch bosqichli sport o‘yinlari hisoblanish “Umid nihollari”, “Barkamol avlod”, “Universiada” musobaqalarining tashkil etilishi, o‘tkazilishi haqidagi ma’lumotlar talabalarda sport tadbirlari to‘g‘risidagi nazariy bilimlarni boyitishlarida ko‘makdosh manbalardan biri bo‘lib qoldi. Davra suhbati o‘zaro mulohaza yuritish, fikrlar bildirish, takliflarni bayon etish shaklida olib borildi. Pedagogika kolleji “Jismoniy tarbiya” kafedrasi o‘qituvchilaridan S. Husenova, SH. Kamolov, H. Bobomurodov, F. Murodov, D. Qoraevalar ham o‘z fikr-mulohazalari bilan tinglovchilarga takliflarni berdilar. “Jismoniy tarbiya” ixtisosi bo‘yicha tahsil olib turgan bilim yurti talabalari o‘zlarini qiziqtirgan sport sohasidagi bergan savollariga tegishli ma’lumotlar bo‘yicha javoblarga ega bo‘ldilar.
