Buxoro davlat universiteti “Islohotlar – xalq uchun” markazida universitetda startaplar ekotizimini rivojlantirish masalalariga bag’ishlangan seminar bo’lib o’tdi. Seminarda IT-park Buxoro filiali mutaxassislari bilan hamkorlikda universitetda “Inkubatsiya markazi”ni tashkil etish masalalari muhokama qilindi. Yoshlarning biznes loyihalarini qo’llab-quvvatlash hamda g’oyadan – biznesgacha bo’lgan bosqichlarni muvaffaqiyatli amalga oshirish jarayonlarida “Inkubatsiya markaz” larining o’rni tahlil qilindi. Unversitetda amalga oshirilayotgan loyihalar to’g’risida yig’ilganlarga ma’lumot berildi. Loyihalarning noyob shakli hisoblanadigan startap loyihalarning mazmun-mohiyati, o’ziga xos xususiyatlari, ularni qo’llab-quvvatlash tizimi, amalga oshirish uchun moliyalashtirish masalalari to’g’risida yig’ilganlarga to’liq ma’lumot berildi. Seminarda universitetning iqtidorli talabalari ham o’z loyihalarining taqdimotini o’tkazishdi. Bugungi kunda universitet professor-o’qituvchilari tomonidan ishlab chiqilgan, turli tanlovlarga taqdim etilgan hamda O’zbekiston Respublikasi Innovatsion rivojlanish vazirligi tomonidan moliyalashtirish uchun yakuniy bosqichda ko’rib chiqilayotgan startap loyihalarning taqdimoti o’tkazildi. BuxDU Matmuot xizmati
