Ayni paytda Buxoro davlat universitetiga Toshkent Fransuz Alyansi vakillari direktor Dilshod Ahmedov, o`qituvchilar Yuliya Li, Paul Loyrette, Yevganiya Kvon hamda Fransiya elchixonasi vakili Ulug`bek Mansurovdan iborat delegatsiya tashrif buyurdi. Mazkur uchrashuvdan ko`zlangan maqsad o'zaro hamkorlik masalalarini muhokama qilish, hamkorlik memorandumini imzolashdan iborat. Tashrif avvalida BuxDU rektori Obidjon Xamidov huzurida rasmiy hamkorlik uchrashuvi tashkil etildi. Unda Fransiya va O’zbekiston o’rtasidagi iliq hamkorlik aloqalari, olib borilgan ishlar va kelajakda amalga oshirilishi mumkin bo’lgan ishlar haqida so`z bordi. Professor-o’qituvchilar va talabalarning til o`rganishlari hamda malaka oshirishlari uchun manfaatli takliflar bildirildi. Hamkorlik masalasi muhokama qilinib, shartnoma imzolandi.Uchrashuv yakunida ikki tomonlama esdalik sovg`alari almashildi.Bundan tashqari, Fransiyaning O'zbekistondagi elchixonasi yetakchi mutaxassisi Ulug'bek Mansurov va Toshkent Fransuz Alyansi ekspertlari Pol Luaret, Yuliya Li va Yevgeniya Kvon ishtirokida DALF-DELF imtihonlari tashkil etilmoqda. Ushbu tashabbus ertaga ham davom etadi.Buxoro davlat universiteti matbuot xizmati
