Bugun Buxoro davlat universiteti harbiy ta’lim fakultetining zamonaviy shart-sharoitlarga ega o‘quv binosining ochilish marosimi bo‘lib o‘tdi. Unda viloyat hokimi Botir Zaripov, hokimlik mutasaddilari, sektorlar rahbarlari, BuxDU rektori Obidjon Xamidov boshchiligidagi rahbariyat, universitet professor o‘qituvchilari, kursantlar, keng jamoatchilik hamda ommaviy axborot vositalari vakillari ishtirok etishdi.Rasman ochilishi o`tkazilgan ushbu muassasa binosi Buxoro shahridagi sobiq harbiy qismning 5 qavatli binosi bo`lib, Oliy ta’lim vazirligi tomonidan ajratilgan 6.5 mlrd. so‘m mablag‘ evaziga mukammal ta’mirlanib harbiy ta’lim fakulteti uchun 500 o‘rinli o‘quv binosiga aylantirilib, foydalanishga topshirilgan. Bundan tashqari, fakultet 1 ta piyodalar jangovar harbiy mashinasi, DK-440-rusumli zamonaviy otish uchun mo‘ljallagan elektron sinf xonasi, harbiy texnikalar saqlash joyi, tir xonasi, zamonaviy axborot-resurs markaziga ham ega. Qisqa aytganda, yoshlarning harbiy ta’lim sohasini puxta o‘rganishlari uchun nimaiki zarur bo‘lsa, hammasi hozirlandi.Shundan so`ng, mutasaddilar Buxoro davlat universiteti Pedagogika institutining zamonaviy shart-sharoitlarga ega, mukammal ta’mirdan chiqqan o‘quv binosi hamda talabalar turar joyining ochilish marosimiga tashrif buyurishdi. Viloyat hokimi Botir Zaripov marosimni ochib berish asnosida yangi institut faoliyatiga omad tiladi. Marosimdan keyin tashrif buyurgan mehmonlar zamonaviy o`quv xonalarini, dars jarayonini ko`zdan kechirishdi.Ma’lumot o`rnida aytish joizki, 900 o‘rinli yangi institut o‘quv binosining rekonstruksiyasi uchun davlat byudjeti mablag‘lari hisobidan 6.5 mlrd so‘m, 400 o‘rinli institut talabalar turar joyining rekonstruksiyasi uchun 5.8 mlrd so‘m, institut moddiy texnik bazasini rivojlantirish uchun Buxoro davlat universiteti mablag‘lari hisobidan 3,5 mlrd. so‘m ajratilgan. BuxDU Matbuot xizmati
