2021 yilning 30-sentabr kuni BuxDU rektori Obidjon Xamidov Toshkent Fransuz Alliansi direktori Dilshod Ahmedovni qabul qildi. Uchrashuvda O’zbekiston va Fransiya davlatlari o’rtasidagi mavjud madaniy-ma’rifiy va do’stona aloqalarni rivojlantirish, hamda madaniyat, ma’rifat, ilm va texnika sohalarida ikki davlat o’rtasidagi hamkorlikni mustahkamlash, universitetda fransuz tili markazini tashkil etish, universitet professor-o'qituvchilari uchun fransuz tili bo`yicha sertifikatlarni olishda amaliy yordam ko`rsatilishi masalalari ko`rib chiqildi.Ma'lumot uchun, Toshkent Fransuz Alliansi – bu nodavlat notijorat tashkilot bo’lib, u belgilangan Nizonga tayanib faoliyat ko’rsatadi. Toshkent Fransuz Alliansi O’zbekiston Respublikasi Adliya Vazirligida rasman ro’yxatdan o’tgan. 2015 yilning 7 noyabr kuni O’zbekiston va Fransiya Respublikalari o’rtasida kelishuv imzolandi. Mazkur kelishuvga binoan Toshkent shahrida Toshkent Fransuz Alliansiga asos solindi. AFT dunyoning 5 qit’asining 146 ta mamlakatida joylashgan 800 dan ortiq allianslardan tashkil topgan tarmoqning bir qismidir. Birinchi fransuz Alliansi 1883 yil Parijda Buyuk fransuz yozuvchisi Jul Vern va taniqli fransuz olimi Lui Paster tashabbusiga binoan tashkil topgan.BuxDU Matbuot xizmati
