Anjuman avvalida BuxDU o`quv ishlari bo`yicha prorektor v.b, Siyosatshunoslik fanlari nomzodi, dotsent R.G`.Jumayev BuxDU rektori O.X.Xamidovning tabrik so`zlarini o`qib eshittirdi: “Ushbu anjuman 2019-yil 5-yanvardagi “O‘zbekiston Respublikasida turizmni jadal rivojlantirishga oid qo‘shimcha chora-tadbirlar to‘g‘risida”, 2019 yil 13 avgustdagi “O‘zbekiston Respublikasida turizm sohasini yanada rivojlantirish chora-tadbirlari to‘g‘risida”gi hamda 2020-yil 28-maydagi “Koronavirus pandemiyasining salbiy ta’sirini kamaytirish uchun turizm sohasini qo‘llab-quvvatlashga doir kechiktirib bo‘lmaydigan chora-tadbirlar to‘g‘risida”gi Prezident Farmonlarida belgilangan vazifalarni amalga oshirishga oid ilmiy-amaliy tavsiyalar ishlab chiqishni ko‘zda tutadi.Yangi O‘zbekiston rivojlanish strategiyasining ustuvor yo‘nalishlaridan biri sifatida turizmni iqtisodiyotning yetakchi sohalaridan biriga aylantirish belgilangan bo‘lib, ushbu anjumanda ko‘riladigan masalalar ushbu vazifalarni amalga oshirishga muyyan darajada xizmat qilishiga ishonaman!”Anjumanda Indenoziyaning Gunadarma universiteti vakillari Detty Purnamasari, Dw Ayu Agung Indra Swari, Salma Luna Eka Pateri, Nafa Yanda, Anisa Loralar ham ishtirok etishdi.Ilmiy-amaliy anjuman doirasida BuxDU “Iqtisod va turizm” fakulteti dekani, dotsent D.SH.Yavmutovning “Turizm pandemiya va postpandemiya sharoitida: asosiy yo`qotishlar va tiklanishning istiqbol yo`nalishlari”, BuxDU “Turizm va mehmonxona xo`jaligi” kafedrasi professori H.R. Hamroyevning “Saudiya Arabistonining ziyorat turizmni tashkil etish tajribasi tahlili”, BuxDU “Turizm va mehmonxona xo`jaligi” kafedrasi dotsentlari N.S. Ibragimovning “2030-yilgacha ehtiyoj o`sadigan va kamayadigan turistik prognozlar parametrlari”, S.S.Ro`ziyevning “Pandemiyadan keyingi davrda turizm sohasini rivojlantirishda bo`sh vaqt omilining ahamiyati”, Buxoro viloyati Turizm va sport bosh boshqarmasi bo`limi boshlig`i B.Z.To`qsanovning “2017-2021-yillarda “Buxoro viloyatida turizmni rivojlantirishga doir amalga oshirilgan ishlar sarhisobi hamda istiqbolli rejalar” nomli ma’ruzalari tinglandi.Ushbu anjumandan ko`zlangan maqsad pandemiyadan keyingi davrda O‘zbekistonda turizmni barqaror rivojlantirishning istiqbolli yo‘nalishlarini aniqlash, amalga oshirishning tashkiliy-iqtisodiy mexanizmlariga oid ilmiy-amaliy taklif va tavsiyalarni ishlab chiqishdan iborat bo‘lib, pandemiya oqibatida O‘zbekiston turizm sohasida yuzaga kelgan holatni o‘rganish, turizmni barqaror rivojlantirishning istiqbolli yo‘nalishlarini aniqlash, turizmni reanimasiya qilishning tashkiliy-iqtisodiy mexanizmlarini ishlab chiqish, O‘zbekiston turistik jozibadorligini oshirish yo‘llarini aniqlash, turizmning innovatsion va smart shakllarini joriy qilish evaziga mamlakat turistik raqobatbardoshligini oshirish yo‘llarini aniqlash kabi dolzarb muammolarning yechimiga bag‘ishlangan.Anjuman doirasida pandemiyadan keyingi davrda mamlakatimiz turistik salohiyatini kengaytirish, barqaror rivojlanishini ta’minlash va uning raqobatbardoshligini oshirish bilan bog‘liq muammolarni hal qilish hamda sohaga innovatsion boshqaruv usullarini joriy qilish va o‘zaro manfaatli raqobat muhitini yaratishga qaratilgan 100 ga yaqin ilmiy ma’ruzalar respublikamizning turli oliy ta’lim muassasalaridan kelib tushgan.Yuqori saviyada tashkil etilgan anjuman turistik salohiyatning o`sishida xizmat qilish yo`lidagi muhim qadam bo`la oladi.BuxDU Matbuot xizmati
