Bugun oliy ta’lim tizimiga katta e’tibor qaratilmoqda. Yoshlarni bilim va malakali etib tarbiyalash, jahon taraqqiyotiga mos mutaxassislar tayyorlash maqsadida ta’lim tizimi izchil rivojlantirilmoqda. Ertamiz egalari yosh avlodning hech kimdan kam bo‘lmasdan kamol topishi ularni har tomonlama komil inson bo‘lib ulg‘ayishlari uchun amalga oshirilayotgan islohotlarning eng asosiy sharti ta’lim olish ekanligi bugun barchamizga ayon. Kuni kecha Prezidentimiz Shavkat Mirziyoyev raisligida oliy ta’lim tizimidagi ustuvor vazifalarga bag‘ishlangan videoselektor yig‘ilishida davlatimiz rahbari sohadagi 4 ta ustuvor vazifani sanab o‘tdi. Xususan, oliy ta’lim muassasalari boshqaruv kengashlarining rolini oshirish va kafedralar vakolatlarini kengaytirish, o‘quv jarayonini bozor talablariga moslashtirib, ishlab chiqarish bilan uzviyligini ta’minlash va talabaning o‘z ustida ishlashi uchun muhit yaratish, oliy ta’lim muassasalarining ilmiy salohiyatini oshirish, ilm-fan va innovasiyani rivojlantirish, professor-o‘qituvchilar va talabalar uchun qog‘ozbozlikni kamaytirish, sohani raqamlashtirish orqali byurokratiya va korrupsiyani keskin qisqartirish zarurligini ta’kidladi. Bu vazifalarni samarali bajarish uchun esa oliy ta’lim muassasalariga akademik va tashkiliy-boshqaruv bo‘yicha mustaqil qaror qabul qilish vakolati berilishini qayd etib o‘tdi. Yig‘ilish davomida ta’lim sifatini oshirish, nazariya va amaliyotni uyg‘unlashtirish, yoshlarni ilmiy faoliyatga jalb qilish, innovasion tuzilmalarni shakllantirish kabi ko‘plab aniq yo‘nalishlarda ustuvor vazifalar belgilandi. Buning natijasida intellektual taraqqiyotni jadallashtirish, raqobatbardosh kadrlar tayyorlash, ilmiy va innovasion faoliyatni samarali tashkil etish hamda xalqaro hamkorlikni mustahkamlash maqsadida fan, ta’lim va ishlab chiqarish integrasiyasi jadal rivojlanadi. Bularning barchasi ta’lim jarayonini yangi sifat bosqichiga ko‘tarish uchun xizmat qiladi. Yaratilayotgan islohotlar ilmiy kengashlar faoliyatini yanada jonlantirdi. Buxoro davlat universitetida boshlangan ushbu hafta “Himoyalar haftaligi” deb e’tirof etildi. Joriy yilning 23 avgustdan 31 avgustgacha Buxoro davlat universiteti xuzuridagi 10.00.01 – O‘zbek tili, 10.00.02 – O‘zbek adabiyoti ixtisosligida ilmiy darajajalar beruvchi DSc.03/04.06.2021.Fil.72.09 raqamli, 10.00.04. – Yevropa, Amerika va Avstraliya xalqlari tili va adabiyoti hamda 10.00.06. – Qiyosiy adabiyotshunoslik, chog‘ishtirma tilshunoslik va tarjimashunoslik ixtisosliklari bo‘yicha ilmiy darajalar beruvchi DSc.03/04.06.2021.Fil.72.03 raqamli, 09.00.03 – Falsafa tarixi, 09.00.04 – Ijtimoiy falsafa ixtisosliklari bo‘yicha PhD.03/27.02.2020.F.72.08 raqamli, 13.00.01 – Pedagogika nazariyasi. Pedagogik ta’limotlar tarixi, hamda 13.00.02 – Ta’lim va tarbiya nazariyasi va metodikasi ixtisosliklari bo‘yicha ilmiy darajalar beruvchi PhD.03/30.12.2019.Ped.72.04 raqamli ilmiy kengashlarda universitet hamda Respublikamizning turli OTM laridan mustaqil izlanuvchi va tayanch doktorantlar (PhD) ning dissertasiya muhokamalari bo‘lib o‘tmoqda. Ushbu Ilmiy kengashlarda 11 nafar falsafa doktori (PhD) hamda 1 nafar fan doktori ilmiy darajasini olish uchun himoyalardan muvaffaqiyatli o‘tishlarini kutib, omadlar tilab qolamiz.BuxDU jamoasi
