2017-2021 yillarda O‘zbekiston Respublikasini rivojlantirishning beshta ustuvor yo‘nalishlari bo‘yicha Harakatlar strategiyasini “Yoshlarni qo‘llab-quvvatlash va aholi salomatligini mustahkamlash yili” da amalga oshirishga oid davlat dasturining 18,21 va 25-bandlarida ko‘rsatilgan tadbirkorlik faoliyatini tartibga solish darajasini kamaytirish uchun ortiqcha normalarni, byurokratik to‘siqlarni tubdan qisqartirish, “xufyona iqtisodiyot” ulushini kamaytirish, iqtisodiyotni har tomonlama rivojlantirish va narxlarning sun’iy ravishda oshishiga qarshi kurashish talablarini ta’minlash maqsadida Shofirkon tuman prokuraturasi taklifiga binoan Buxoro davlat universiteti Iqtisodiyot va turizm fakulteti professor-o‘qituvchilari tomonidan tumandagi mavjud bozorlarda o‘rganish o‘tkazish hamda ilmiy asoslantirilgan takliflar ishlab chiqish belgilandi hamda ishlar olib borildi. Fakultet professor-o‘qituchilaridan iborat ishchi guruh tomonidan Shofirkon tumanidagi dehqon bozori faoliyati ilmiy asosda o‘rganildi, marketing tadqiqotlari olib borildi, bozorlarda narx-navoning shakllanishiga sabab bo‘layotgan omillar va jarayonlar tahlil qilindi, sotuvchilar va xaridorlar bilan bozorlar faoliyatini kelgusida yanada samarali tashkil etish, aholining tovar va xizmatlarga bo‘lgan ehtiyoji kabi masalalarni tadqiq qilish uchun tezkor so‘rovnomalar o‘tkazilib, ma’lumotlar olindi. Ma’lumotlarga asosan bozorlar infrastrukturasini rivojlantirish, sotuvchi va xaridorlarga qulayliklar yaratish, narx siyosati bo‘yicha asoslangan takliflar ishlab chiildi va bozor ma’muriyatiga hamda tuman prokkuraturasiga yetkazildi.BuxDU Matbuot xizmati
