O`zbekiston sharoitida baliqchilikni rivojlantirish muammolari va istiqbollari mavzusidagi xalqaro ilmiy-amaliy anjumani o`tkazildi.Ilmiy-amaliy anjumanda BuxDU rektori, professor O.X.Xamidov, Ilmiy ishlar va innovatsiyalar bo`yicha prorektor, iqtisod fanlari bo`yicha falsafa doktori O.S. Qahhorov, BuxDU Agronomiya va biotexnologiya fakulteti dekani, b.f.d., professor H.T. Artikova, BuxDU Biologiya kafedrasi professori S.B. Bo`riyev, BuxDU Biologiya kafedrasi mudiri M.M. Turayev, Toshkent davlat Agrar universiteti professori I.M. Mirabdullayev, Botanika instituti yetakchi ilmiy xodimi, professor X.A. Alimjonova, “Buxorobaliq” M.CH.J raisi U.E. Shomurodov, Buxoro viloyati Ekologiya va atrof-muhitni muhofazalash qo`mitasi bo`lim boshlig`i Sh.S. Parpiyev va boshqalar o`zlarining fikr-mulohazalari bilan ishtirok etishdi.Anjuman avvalida BuxDU rektori O.X. Xamidov so`zga chiqib, Buxoro viloyatida Baliqchilik yo`nalishiga berilayotgan e’tibor xususida gapirdi: – Mamlakatimizni iqtisodiy rivojlantirishning dolzarb muammolaridan biri hududlarda mavjud suv havzalarida baliq yetishtirishni jadallashtirish va ularning mahsuldorligini oshirish hisoblanadi. So‘ngi paytlarda baliqlarni tabiiy ko‘llar sharoitida urchitib ko‘paytirish muammosi tobora muhim ahamiyat kasb etmoqda va kelajakda mahalliy baliqchilikni barqarorligini ta’minlashning asosiy omili sifatida ko‘rib chiqilmoqda.Hozirda respublikamizda baliqchilik tarmog‘ini rivojlantirish, baliq zahiralaridan samarali foydalanish, innovatsion akvakulturani rivojlantirish va suvdan kompleks foydalanishga alohida e’tibor qaratilmoqda. Bu borada amalga oshirilgan chora-tadbirlar natijasida muayyan natijalarga, jumladan, pasttekislik zonasidagi ko‘llar va suv omborlariga ozuqa zanjirining yuqori pog‘onalaridan o‘rin olgan karpsimon baliqlar chavog‘i bilan muntazam ravishda baliqlantirish dasturi ishlab chiqildi. Mahalliy iqlim sharoitlarini hisobga olgan holda baliq turlarini ko‘paytirish va ularni qayta ishlash hajmlarini oshirish hamda baliq yetishtirishning intensiv usullari amaliyotga joriy etildi.Ilmiy-seminar davomida Buxoro viloyatida baliqchilikni rivojlantirish bo‘yicha bir qator vazifalar belgilandi.BuxDU Matbuot xizmati
