2021 yil 26 avgust kuni soat 10:00 da universitetning kichik majlislar zalida fizika-matematika, tabiiy fanlar hamda agronomiya va biotexnologiyalar fakultetlari fizika, organik va fizkoloit kimyo, umumiy va noorganik kimyo, biologiya va tuproqshunoslik kafedra mudirlari, laboratoriya mudirlari va laborantlari bilan mehnatni muhofaza qilish, texnika va yong‘in xavfsizligi bo‘yicha o‘quv mashg‘uloti o‘tkazildi.O‘quv mashg‘ulotini universitet Fuqaro va mehnat muhofazasi bo‘limi boshlig‘i F.Boltayev ochib, O‘zbekiston Respublikasining 2016 yil 22 sentyabrdagi “Mehnatni muhofaza qilish to‘g‘risida”gi O‘RQ-410-son qonuni va Respublika Oliy va o‘rta maxsus ta’lim vazirligining 2020 yil 3 martdagi 157-sonli buyrug‘i hamda Buxoro davlat universitetining 2020 yil 9 martdagi 192-U-sonli buyruqlari talablariga muvofiq Buxoro davlat universitetida xavfsizlik va gigiyena talablariga javob beradigan mehnat sharoitlarini yaratish, professor-o‘qituvchilar, talabalar, xodim va ishchi- xizmatchilar o‘rtasida shikastlanishning oldini olish hamda xavfsizlik Davlat standartlari talablariga rioya etilishini ta’minlash maqsadida o‘quv mashg‘ulotini o‘tkazish tartibi bilan tanishtirib o‘tdi. Universitetning mehnatni muhofaza qilish bo‘yicha 1-toifali muhandisi J.Kamolov so‘zga chiqib, fizika, organik va fizkolloit kimyo, umumiy va noorganik kimyo, biologiya, tuproqshunoslik kafedralari laboratoriyalarida mehnatni muhofaza qilish, texnika va yong‘in xavfsizligi qoidalariga rioya qilish yo‘riqnomalari talablari bilan laboratoriya mudirlari va laborantlarga tushuntirib berdi va shu sohada ularni qiziqtirgan savollarga javob berdi. Tabiiy fanlar fakulteti organik va fizkolloit kimyo kafedrasi mudiri Q.Avezov hamda agronomiya va biotexnologiya fakulteti biologiya kafedrasi laboratoriya mudiri M.Xonjonovalar laboratoriyada kimyoviy moddalar va laboratoriya jihozlari bilan ishlash tartibi va jarayonlari to‘g‘risida o‘z fikr va mulohazalarini bildirdilar. Fuqaro va mehnat muhofazasi bo‘limi boshlig‘i F.Boltayev