Mamlakatimizda har yili ijtimoiy yetimlikni yanada kamaytirish, yetim bolalar va ota-onasining qaramogʻidan mahrum boʻlgan bolalarni davlat tomonidan qoʻllab-quvvatlash mexanizmlari takomillashtirilmoqda. Ularning huquqlariga, qiziqishlari, ehtiyojlariga siyosat darajasida e’tibor berib borilmoqda.Joriy yilda Prezident Shavkat Mirziyoyev raisligida 28 iyul kuni nogironligi bo‘lgan, ota-ona qaramog‘idan mahrum va yetim bolalarni davlat tomonidan qo‘llab-quvvatlashni kengaytirish hamda ijtimoiy nafaqalarni takomillashtirish masalalari bo‘yicha videoselektor yig‘ilishida belgilangan vazifalar ijrosini ta’minlash maqsadida bugun Buxoro davlat universitetida tarbiyalanuvchilarning mustaqil hayotga moslashishini taʼminlash va oliy ta’limga bo`lgan qiziqishini oshirish maqsadida 32-Mehribonlik uyi tarbiyalanuvchilari taklif qilindi. Ushbu ekskursiya BuxDU rektori tashabbusi bilan “Filologiya”, “Jismoniy madaniyat” va “San’atshunoslik” fakultetlari tomonidan Mehribonlik uyi tarbiyalanuvchilarning individual, ta’lim-rivojlantiruvchi ehtiyojlarini qondirish, ularning iste’dod va qobiliyatlarini rivojlantirish, shuningdek, keyinchalik kasbga yo‘naltirish uchun ularning qiziqishlari va moyilliklarini aniqlash, bo‘sh vaqtlarini mazmunli o`tkazishlari hamda yoshlar tashabbuslarini qo‘llab-quvvatlash maqsadida tashkil etildi.Mehribonlik uyi tarbiyalanuvchilari BuxDUga qadam qo`yar ekanlar, ularga oliy ta’lim muassasasi haqida to`liqroq tasavvur uyg`otish maqsadida universitet muzeyiga olib kirildi. Mehmonlar BuxDUning tarixi, talabalar va pedagog-xodimlar erishgan yutuqlar bilan yaqindan tanishdilar. Shundan so`ng yaqinda faoliyatini yangi, zamonaviy, qulay va barcha sharoitga ega binoda boshlagan Axborot resurs markazini ko`zdan kechirdilar. Kitoblar bilan tanishish asnosida tarbiyalanuvchilar va “Filologiya” fakulteti talabalari o`rtasida qizg`in mushoira bo`lib o`tdi. So`ng “Jismoniy madaniyat” fakulteti tomonidan tashkil etilgan shaxmat va shashka o`yiniga start berildi. O`yin yakunlangach, ushbu binoning ikkinchi qavatida joylashgan “Islohotlar xalq uchun” markazida shaxmat va shashka musobaqasi g`oliblari kitoblar majmuasi va sport anjomlaridan iborat esdalik sovg`alari bilan taqdirlandilar. Shu o`rinda BuxDU rektori O.X.Xamidovning tarbiyalanuvchilarga qaratilgan samimiy dil so`zlari tinglandi. ARMdagi ekskursiya mobaynida talabalar ishlashi uchun tashkil etilgan kompyuterlardan foydalandilar.Keyingi manzil Talabalar turar joyi bo`ldi. Barcha sharoitlarga ega universitet yotoqxonasini va uning binosida tashkil etilgan “besh tashabbus” markazini ko`zdan kechirish tarbiyalanuvchilarning hayrati va havasiga sabab bo`ldi. Shundan so`ng, mehmonlar BuxDUning faollar zalida “San’atshunoslik” fakulteti talabalari tomonidan tashkil etilgan kichik jonli konsert dasturidan bahramand bo`ldilar. Ekskursiya yakunida uinversitetning Boks zalini ham ko`zdan kechirdilar. Ekskursiya yakunida tarbiyalanuvchilarning ko`zidagi mamnuniyat va minnatdorlik bugungi kunning ular hayotida yorqin xotiralar bilan qolajagini, ezgu maqsad yo`lida tashkil etilgan ushbu dastur o`z maqsadiga yetganini bildirdi.BuxDU Matbuot xizmatiBuxDU Jismoniy madaniyat fakulteti Matbuot kotibi Rahimboyev Rustam foto-sur'atlari
