Joriy yilning 10-iyun kunning ikkinchi yarmida Buxoro davlat universiteti va Xitoy Xalq Respublikasining Xaynan provinsiyasida joylashgan Sanya universiteti bilan o’zaro hamkorlik bo’yicha online shaklda muloqot bo’lib o’tdi.Sanya universiteti bilan hamkorlik qilish va muloqotni olib borish Shanxay hamkorlik tashkiloti bosh kotibi Norov Vladimir Imamovich tashabbuslari doirasida bo’lib, ZOOM platformasi orqali tashkil etilgan muloqotda ikki universitet rahbarlari o’zaro hamkorlik qilish uchun asos bo’lgan hamkorlik shartnomasini imzoladi.Shartnoma doirasida barcha yo’nalishlarda amalga oshirish zarur bo’lgan yo’nalishlarda hamkorlik qilish takliflari berildi. Xususan, BuxDU rektori Xamidov Obidjon Xafizovich tomonidan universitet huzurida “Xitoy tili markazi”, “IT markaz”larini hamkorlikda tashkil etish va rivojlantirish bo’yicha taklif berildi.Uchrashuv so’ngida Shanxay hamkorlik tashkiloti bosh kotibi Norov Vladimir Imamovich tomonlaridan qisqa muddatda ikki tomon o’rtasida hamkorlik qilish bo’yicha yo’l xarita tuzish va tasdiqlash taklifi berildi. Ushbu tashabbus tomonlar tomonidan ma’qullandi.BuxDU Matbuot xizmati
