Internet tarmog‘idagi @potrebitel_bukhara telegram kanalida joriy yilning fevral oyida universitet test markazi oldida turgan talabalar tasvirlangan fotolavha tarqaldi.Mazkur holatlar yuzasidan Buxoro davlat universiteti tomonidan quyidagicha izoh bildiriladi:@potrebitel_bukhara telegram kanalida e’lon qilingan fotolavha Buxoro davlat universiteti Test markazi oldida olingan bo‘lib, talabalar yakuniy nazorat test sinovlarida qatnashish maqsadida test markazi binosi oldida soatlab kutilayotganligi aytilgan.Bugungi kunda universitet talabalari soni 2018 yilga nisbatan 3 barobarga oshgan bo‘lib, 22000 nafarga yetgan. Shuningdek, ta’lim yo‘nalishlari soni ham 28 taga ortganligi, yoshlarni oliy ta’lim bilan qamrovning oshganligi va ta’lim sohalari xususiyatidan kelib chiqqan holda o‘quv yili boshidan fakultetlar soni 9 tadan 13 taga ortib, o‘quv binolariga qayta taqsimoti amalga oshirilgan.Buxoro davlat universitetida yakuniy nazorat test sinovlari ishlab chiqilgan jadvalga qat’iy amal qilgan holda 6 ta hududdagi 300 ga yaqin kompyuterlarda olinmoqda.Talabalarning test nazoratlari o‘tkaziladigan xonalarga kelib-ketish vaqti aniq belgilab qo‘yilgan. Ayrim talabalar belgilangan vaqtdan ancha vaqtdan oldin kelib, test markazi oldida kutish holati kuzatildi.Test markazi binosida 40 o‘rinli kutish zali tashkil etilgan, test sinovlarini shaffof o‘tkazish maqsadida har bir talabalaning shaxsan ishtirok etishi ta’minlangan. Shuningdek, test o‘tkaziladigan barcha xonalar yuqori sifatli kuzatish moslamalari bilan jihozlangan.Shuni ta’kidlash joizki, talabalardan test binolariga belgilangan vaqtda kelib, test nazoratlarini topshirib ketishlari so‘raladi.Yuqoridagi tarqatilgan asossiz xabarlarga izoh berish bilan birga universitetda professor-o‘qituvchilar va talabalarga ta’lim olish uchun qulay muhit yaratish borasida bir qator ishlar amalga oshirilmoqda.Jumladan, 2020-2021 o‘quv yilida universitet moddiy texnik bazasi keskin boyitilib, 2019 yilda 1388 ta kompyuter jihozlari mavjud bo‘lgan bo‘lsa, joriy o‘quv yilida ushbu texnik vositalar soni 1774 tani tashkil yetmoqda.Buxoro davlat universiteti rahbariyati turli telegram kanallarini yurituvchi shaxslarni viloyatimizdagi nufuzli oliy ta’lim dargohi bo‘lgan Buxoro davlat universiteti, shuningdek viloyatimiz obro‘si va sha’niga nisbatan ijtimoiy tarmoqlarda asossiz chiqishlarni amalga oshirmasliklarini hamda xalqimizning qadriyati bo‘lgan sharqona axloq-odob me’yorlariga amal qilishlarini so‘rab qoladi.BuxDU Matbuot xizmati