Hozirda Buxoro davlat universiteti Tarix va madaniy meros fakulteti ”Milliy g'oya, ma’naviyat asoslari va xuquq ta’limi” yo‘nalishi 1-kurs talabalariga o‘quv dasturi asosida ”Konstitutsiyaviy huquq” fani o‘qitilmoqda. Ma’ruzalar yuridik fanlar nomzodi, dotsent Amonov Zavqiddin Aminovich tomonidan olib borilmoqda. ”Konstitutsiyaviy huquq” fani ma’ruzalar dasturida “O‘zbekiston Respublikasida sud hokimiyati” mavzusida ma’ruza darsi bo'lib o'tdi. Ushbu mavzudagi ma’ruza darsini bevosita Buxoro viloyati sudi binosida tashkil etgan holda, talabalarga O‘zbekiston Respublikasi sud hokimiyati haqida bevosita sudyalar tomonidan tushuntirish, hozirda sud tizimida amalga oshirilayotgan islohotlar va o‘zgarishlar haqida to‘liq ma’lumot berildi. Bu esa talabalarda sud tizimi bilan tanishish, sudyalar bilan to‘g‘ridan- to‘g‘ri muloqot qilish va qonunlarga amal qilish hissini kuchaytirishga xizmat qiladi. BuxDU Matbuot xizmati
