Buxoro davlat universiteti jamoasi jamiyatda o‘qituvchi kasbining ijtimoiy mavqeini ko‘tarish, fan va ta’limni har tomonlama rivojlantirish borasida davlatimiz rahbari va hukumatimiz tomonidan olib borilayotgan siyosatni har tomonlama qo‘llab-quvvatlaydi va qadrlaydi. Shuningdek, universitet turli ko‘rinishdagi korrupsiogen holatlarni erta aniqlash va unga qarshi murosasiz kurashish borasida o‘zining mustahkam pozisiyasiga ega ekanligini, BuxDUni korrupsiyadan xoli hududga aylantirish bo‘yicha tizimli ishlar yo‘lga qo‘yilayotganligini ma’lum qiladi.Hozirgi vaqtda universitetga yangi ishga qabul qilinayotgan barcha talabgorlar orasidan eng munosib, halol va kasbiga sadoqatlilarini saralab olish maqsadida Jamoatchilik Kengashi o‘z faoliyatini olib bormoqda. Talabalar bilimini baholashda inson omilini keskin qisqartirish, baholash jarayonining shaffofligini ta’minlash maqsadida yakuniy nazoratlarni kompyuterda test shaklida olish amaliyoti yo‘lga qo‘yilgan. Universitet rahbariyati va talabalar o‘rtasidagi bevosita muloqotni faollashtirish uchun haftada ikki marotaba shaxsan rektor tomonidan qabul kunlari tashkil qilingan va belgilangan jadvalga so‘zsiz rioya qilib kelinmoqda. Shu bilan birga, talabalar sonining ko‘pligini inobatga olgan holda va ularga qo‘shimcha qulayliklar yaratish uchun rektorning Telegramdagi murojaatlar boti, korrupsiyaga qarshi kurashish borasidagi “anticorbot” telegram botlari faoliyat yuritmoqda. Talabalardan kelib tushgan murojaatlar asosida birgina fevral-mart oyida 2 nafar o‘qituvchiga intizomiy jazo choralari qo‘llanilib, fakultetlardagi ijtimoiy-ma’naviy muhit muntazam tahlil qilib kelinmoqda. Talabalar tomonidan bildirilgan e’tirozlarga nisbatan tezkor munosabat bildirilib, ularning shaxsni sir saqlanadi va shaxsan birinchi rahbarning himoyasi ostiga olinadi.“TROLL.UZ” telegram kanalida e’lon qilingan xabar yuzasidan o‘sha kunning o‘zida universitet rektorining buyrug‘i qabul qilinib, ishchi guruh tuzilgan. Ishchi guruh a’zolari tomonidan bugungi kunda o‘rganish ishlari olib borilmoqda. Xususan talabalar o‘rtasida so‘rovnomalar olinib, fakultetda bu yo‘nalishda amalga oshirilgan choralar chuqur tahlil qilinmoqda. O‘rganish natijalari bo‘yicha o‘qituvchi va mas’ul bo‘lgan xodimlarning xatti-harakatiga albatta qonun doirasida huquqiy baho beriladi.Buxoro davlat universiteteti rahbariyati mazkur holat haqida xabar bergan talabalarga o‘z minnadorchiligini bildiradi va keyingi davrda ham mazkur masalalar bo‘yicha hamkorlik qilishga tayyor ekanligini ta’kidlaydi.BuxDU Matbuot xizmati
