Bangladesh Oʻzbekiston bilan koʻp yillik strategik hamkorlik va doʻstona munosabatlarni yoʻlga qoʻygan davlatlardan hisoblanadi. Ikki davlat oʻrtasida iqtisodiy, madaniy va ijtimoiy sohalardagi aloqalar yil sayin mustahkamlanib bormoqda.Shu munosabat bilan 2021 yilning 1-mart kuni Buxoro davlat universitetiga Bangladesh Xalq Respublikasining Oʻzbekistondagi Favqulodda va Muxtor Elchisi janob Muhammad Jahangir Alam tashrif buyurdi. Mehmonni Buxoro davlat universiteti rektori Obidjon Xamidov kutib oldi. Muhammad Jahangir Alam hamda universitet rahbariyati o’rtasida uchrashuv bo’lib o’tdi. Uchrashuvda BuxDU rektori Obidjon Xamidov, BuxDU Xalqaro hamkorlik bo’yicha prorektori A.T. Jo’rayev, Xalqaro hamkorlik bo’limi boshlig’I M.Qlichevlar ishtirok etishdi. Dastlab mehmonga universitet rektori universitetimiz to’g’risida batafsil ma’limotlarni berib o’tdi. Shuningdek, janob Muhammad Jahangir Alam Bangladesh davlati tarixi, madaniyati, iqtisodiy koʻrsatkichlari hamda uning Oʻzbekiston bilan oʻzaro hamkorlik masalalari bo’yicha uchrashuvda malumotlar berib o’tdi. Uchrashuvning asosiy qismida ikki tomonlama hamkorlik aloqalari, Bangladesh mamlakatining nufuzli universitetlari hamda BuxDU o’rtasida hamkorlik shartnomalari imzolanishi, talabalar hamda professor-o’qituvchilar akademik almashinuvi, IT sohasida kadrlarni yetishtirishda hamkorlik, xalqaro grantlarda ishtirok etish kabi masalalar yuzasidan muzokaralar olib borildi. Uchrashuv davomida muhtaram Elchi tomonidan Oʻzbekiston va Bangladeshning tashqi siyosat tamoyillari oʻxshashligi ham alohida qayd etib oʻtildi.Uchrashuv so’ngida BuxDU rektori Obidjon Xamidov elchi janoblari Muhammad Jahangir Alamga estalik uchun sovg’alar taqdim etdi. Kelgusidagi ishlar kelishib olindiMaʼlumot oʻrnida. Mohammad Djaxangir Alam 2020-yilning 23-oktyabrida Bangladeshning Oʻzbekistondagi Favqulodda va Muxtor Elchisi vazifasida ish boshlagan. Bir vaqtning oʻzida Afgʻoniston, Qirgʻiziston va Tojikistonda ham akkreditatsiyaga ega. BuxDU Xalqaro hamkorlik bo’limi
