Keyingi yillarda mamlakatimizda ijtimoiy-iqtisodiy rivojlanishning ustuvor yo‘nalishlariga hamda xalqaro standartlar talablariga mos keladigan oliy ta’lim tizimini yaratish bo‘yicha keng ko‘lamli ishlar amalga oshirilmoqda. O‘zbekiston Respublikasi Vazirlar Mahkamasining 2015 yil 2 martdagi 36-sonli qarori bilan tasdiqlangan «Magistratura to‘g‘risida Nizom»ga asosan 2021 yil 12-21 aprel kunlari 23 ta mutaxassislik bo’yicha tahsil olayotgan 248 nafar magistratura talabalarining magistrlik dissertatsiyasining dastlabki himoyalari o’tkazilishi rejalashtirilgan bo’lib, 2021 yilning 12-aprel kuni Buxoro davlat universiteti kichik faollar zalida universitet rektori, i.f.d., prof. O.X.Xamidov rahbarligida 5A110901-Pedagogika nazariyasi va tarixi (faoliyat turlari bo’yicha) hamda 5A210201-Psixologiya (faoliyat turlari bo’yicha) mutaxassisligi magistratura talabalarining magistrlik dissertatsiyasi dastlabki himoyalari bo’lib otdi.Magistrlik dissertatsiyasi daslabki himoyasini Buxoro davlat universiteti rektori professor, Obidjon Xafizovich Xamidov ochib berdilar. Shundan so’ng har bir magistr 7-10 daqiqa vaqt mobaynida o’zining magistrlik dissertatsiya ishi bilan tanishtirib o’tdi. Magistrlik dissertatsiya ishining amaliyotga joriy qilinganligi ko’rib chiqildi. Prorektor tomonidan har bir magistratura talabasining ilmiy rahbar va ilmiy maslahatlatchilarni mas’uliyatini oshirish, fakultet dekanlari va kafedra mudirlari har bir fakultet va kafedra yig‘ilishlarida kun tartibidagi asosiy masalalardan biri sifatida ko’rib chiqib magistrlik dissertatsiyasi himoyasigacha ko’rsatilgan kamchiliklarni tuzatish bo‘yicha vazifalar berildi.BuxDU Matbuot xizmati hamda Magistratura bo'limi
