“Biz maktabgacha ta’lim va maktab ta’limi, oliy va o‘rta maxsus ta’lim tizimi hamda ilmiy-madaniy muassasalarni bo‘lg‘usi Renessansning to‘rt uzviy halqasi, deb bilamiz. Bog‘cha tarbiyachisi, maktab muallimi, professor-o‘qituvchilar va ilmiy ijodiy ziyolilarimizni esa yangi Uyg‘onish davrining to‘rt tayanch ustuni, deb hisoblaymiz”. Sh.M. MirziyoyevAvvalambor, aytish kerakki, insoniyat boshidan sinovli kunlarni o‘tkazmoqda. Shunday bo‘lsada, xalqimiz barcha ishda bir biriga yelkadosh bo‘lib, barcha sohalarda o‘z faoliyatini davom ettirmoqda. Shu jumladan, ta’lim sohasida ham. Mustaqillik yillarida yurtimizda ta’lim-tarbiya tizimini tubdan takomillashtirish, ertangi kunimizning munosib davomchilarini kamolga yetkazishning mustahkam tashkiliy-huquqiy mexanizmi yaratildi. Sohaga oid qabul qilingan qator davlat dasturlariga binoan ko‘plab ta’lim muassasalari yangidan qurildi, eng zamonaviy o‘quv anjomlari bilan ta’minlandi. Bu boradagi ishlar bugungi kunda yanada jadal tus olmoqda. Dunyo taraqqiyoti shiddati barcha soha kabi ta’lim-tarbiya jarayoniga ham yangicha yondashuvni, innovatsion texnologiyalarni tatbiq qilishni taqozo etayapti.O‘zbekiston Respublikasi Prezidentining 2020 yil 7-maydagi PQ-4708-sonli “Matematika sohasidagi ta’lim sifatini oshirish va ilmiy-tadqiqotlarni rivojlantirish chora-tadbirlari to‘g‘risida”gi Qaroriga muvofiq 4 ta tuman (shahar)dan Matematika chuqurlashtirib o‘qitishga ixtisoslashgan 4 ta maktab, O‘zbekiston Respublikasi Prezidentining 2020 yil 12 avgustdagi PQ-4805-sonli “Kimyo va biologiya yo‘nalishlarida uzluksiz ta’lim sifatini va ilm-fan natijadorligini oshirish chora-tadbirlari to‘g‘risida”gi Qaroriga muvofiq Kimyo yo‘nalishi bo‘yicha 4 ta tuman (shahar)dan 4 ta, Biologiya yo‘nalishi bo‘yicha 5 ta tuman (shahar)dan 5 ta maktab, O‘zbekiston Respublikasi Prezidentining 2020 yil 6 noyabrdagi “O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari to‘g‘risida”gi PF-6108-Farmoniga muvofiq hamda universitet tashabbusi bilan ta’lim sifati, o‘qituvchilarning kasbiy mahorati va metodik qo‘llab-quvvatlash bo‘yicha Buxoro shahardan 2 ta maktab, 8 ta tumandan 17 ta, jami 32 ta maktab bilan bevosita hamkorlikda ish olib borilmoqda. O‘zbekiston Respublikasi Prezidentining “O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari to‘g‘risida” 2020 yil 6 noyabrdagi PF-6108-son Farmonida belgilangan vazifalarning ijrosini ta’minlash hamda umumiy o‘rta ta’lim maktab bitiruvchilarini oliy ta’limga jalb qilish va bitiruvchilarni bandligini ta’minlash jarayonlarining samaradorligini oshirish choralarini ko‘rish, maktablarning milliy reytingdagi ko‘rsatkichlarini yaxshilashda ta’lim muassasalariga ko‘maklashish maqsadida Buxoro davlat universiteti rektorining 2020 yil 20 noyabrdagi “Umumta’lim maktablarida ta’lim sifati va o‘qituvchilarning kasbiy mahoratini oshirish va metodik qo‘llab quvvatlash to‘g‘risida”gi 557-U buyrug‘i ishlab chiqildi. Buyruq asosida universitetning 121 nafar rahbar va pedagog-xodimlari 19 ta umumiy o‘rta ta’lim maktablariga ta’lim sifati va o‘qituvchilarning kasbiy mahoratini oshirish va metodik qo‘llab-quvvatlash bo‘yicha biriktirildi va 23 banddan iborat “Yo‘l xaritasi” ishlab chiqilib, tasdiqlandi. Universitet rahbariyatining reja asosida mazkur maktablarga tashrifi amalga oshirildi. 2020 yil 23 noyabr kuni Buxoro davlat universiteti hamda Buxoro viloyatining Jondor tumanidagi 17, 18 va 42-sonli, Romitan tumanining 28-sonli, Buxoro tumanidagi 36 va 50-sonli, Gʻijduvon tumandagi 55-sonli umumta’lim maktablari bilan ta’lim sifati va o‘qituvchilarning kasbiy mahoratini oshirish va metodik qo‘llab-quvvatlash to‘g‘risida memorandum imzolandi.Buxoro viloyatidagi past ko‘rsatgichga ega 7 ta maktab xususiyati, ustuvor yo‘nalishlar va muammoli jihatlardan kelib chiqqan holda Ishchi guruh tomonidan “Yo‘l xaritasi” ishlab chiqildi. Hisobot davrida 7 ta umumiy o‘rta ta’lim maktabidan 2 ta ya’ni Buxoro tumandagi 36-maktab hamda Gʻijduvon tumandagi 30-umumiy o‘rta ta’lim maktabi o‘qituvchi va o‘quvchilari maktab direktori rahbarligida Buxoro davlat universitetiga tashrif buyurdi.Qaror asosida maktablarning hududdagi o‘quvchilarni qamram olish darajasi o‘rganildi. 7 ta maktab bo‘yicha 3240 ta o‘quvchi o‘rni bo‘lib, hozirda 2678 nafar o‘quvchi tahsil olmoqda. Mavjud quvvatlarning 82,6% dan foydalanilmoqda. Mazkur maktablarda 1-sinfga o‘quvchilar qabuli 290 nafarni, 2019/2020 o‘quv yilida 11-sinf bitiruvchilari soni 191 nafarni, yoki o‘qishga kirish ko‘rsatkichi 13 nafar (6,8%)ni, ish bilan band yoshlar 95 nafar (49,7%)ni tashkil etadi. Maktablarda 270 nafar pedagog xodimlar faoliyat ko‘rsatadi. Pedagoglarning 230 nafari (85,2 %) oliy ma’lumotli, 40 nafari (14,8%) o‘rta maxsus ma’luotga ega. Pedagog xodimlarning 3 nafari oliy toifa, 30 nafari 1-toifa, 86 nafari 2-toifaga ega. Oldimizda turgan ustuvor vazifa pedagog xodimlarning malaka toifalarini yana oshirishdir11-sinf o‘quvchilari uchun OTMlariga kirish uchun “Tayyorlov bo‘limi” faoliyati yo‘lga qo‘yish maqsadga muvofiq. Ishchi guruh tarkibiga matematika, kimyo, fizika, biologiya, geografiya, tarix, ona tili va adabiyot, xorijiy tillardan dars beradigan professor-o‘qituvchilar kiritilgan. Shuningdek, kirish imtixonlari ijodiy bo‘lgan quyidagi ta’lim yo‘nalishlari, Musiqa ta’limi, Vokal san’ati: an’anaviy xonandalik, Cholg‘u ijrochiligi: xalq cholg‘ulari (rubob, prima, qashqar, va afg‘on rubobi) Tasviriy san’at va muhandislik grafikasi, Rangtasvir: dastgohli, Amaliy san’at: (xalq amaliy bezak san’ati va restavrasiya), Jismoniy madaniyat (shu jumladan, xotin-qizlar sporti yo‘nalishi), Chaqiriqqacha harbiy ta’lim yo‘nalishlari bo‘yicha tayyorlov kurslari 2021 yil yanvar oyidan tashkil qilish rejalashtirilgan. Universitet Amaliy matematika va dasturlash texnologiyalari kafedrasi professor-o‘qituvchilari tomonidan fan o‘qituvchilari bilan tuman Xalq ta’limi bo‘limi bilan umumiy o‘rta ta’lim maktablari o‘quvchilari o‘rtasida kimyo, matematika, biologiya, fizika fanlaridan onlayn fan olimpiadasi o‘tkazish belgilangan. Shu bilan birga maktablarda vatanparvarlik va fidoyilik ruhini rivojlantirish maqsadida universitetning faxriy pedagog-xodimlari bilan ma’naviy uchrashuvlarni tashkil qilish, tarbiya ishlarini tashkil etilishi bo‘yicha jamoatchilik nazoratini kuchaytirish maqsadida har oyda bir marta universitet xodimlari, jamoatchilik kengashi hamda o‘quvchilar ota-onalari uchrashuvlarini tashkil qilib borish hamda maktab o‘quvchilari va universitet talabalari hamkorlikda “Beshta tashabbus” loyihalarini amalga oshirish maqsadida universitetda faoliyat yuritayotgan yuksak ilmiy salohiyatli professor-o‘qituvchilar umumta’lim maktablarga biriktirildi. Mas’ul professor-o‘qituvchilar o‘zlariga biriktirilgan umumta’lim maktablarda ma’naviy-ma’rifiy, madaniy tadbirlar va mahorat darslarini muntazam o‘tkazib kelmoqdalar. O‘zbekiston Respublikasi Prezidentining «Matematika sohasidagi ta’lim sifatini oshirish va ilmiy tadqiqotlarni rivojlantirish chora-tadbirlari to‘g‘risidagi» 2020 yil 7 maydagi PQ-4708-son qarori asosida Fizika-matematika fakultetining «Matematik analiz» va «Differensial tenglamalar» kafedralari va O‘zbekiston Respublikasi Fanlar Akademiyasi V.I.Romanovskiy nomli Matematika instituti Buxoro bo‘linmasi hamkorligida 2-11 sinflar, OTM talabalari va umumiy o‘rta ta’lim maktablari o‘qituvchilari o‘rtasida «Quvnoq matematika» hamda «Buxoro matematika olimpiadasi» nomli onlayn musobaqasi o‘tkazilmoqda. Olimpiadaga qatnashish uchun @buxdu_signBOT hamda http://eduline.uz/bukhmatholymp.asp havolasi orqali ro‘yxatdan o‘tkazildi.Shu munosabat bilan 2021 yilning 9-yanvar kuni Buxoro davlat universitetida “Buxoro davlat universiteti va xalq ta’limi muassasalari hamkorligi” mavzusida seminar-trening tashkil etildi. Seminar-trening boshlanishidan oldin maktab o‘qituvchilari hamda xodimlari uchun BuxDU fakultetlari tomonidan ilmiy-ijodiy ishlar ko‘rgazmalari tashkil etildi. Seminar treningni kirish so‘zi bilan BuxDU o‘quv ishlari bo‘yicha prorektori M.I.Daminov ochib berdi. Seminar treningni BuxDU O‘quv uslubiy boshqarma boshlig‘i R.Gʻ.Jumayev boshqarib bordi. Ushbu seminarda Buxoro viloyati Xalq ta’limi boshqarmasi boshlig‘i D.N. Mustafayeva, BuxDU ilmiy ishlar va innovasiyalar bo‘yicha prorektori O.S.Qahhorov, fakultet dekanlari, kafedra mudirlari, maktab o‘qituvchilari, OAV vakillari ishtirok etishdi.Seminar-treningda Kimyo ta’limi sifati va samaradorligini oshirishning ustuvor yo‘nalishlari bo’yicha Organik va fizkolloid kimyo kafedrasi mudiri, k.f.f.d (PhD) Q.G‘. Avezov, Matematika fanini o‘qitishda ilg‘or xalqaro tajribalar bo’yicha Buxoro viloyat xalq ta’limi xodimlarini qayta tayyorlash va ularni malakasini oshirish hududiy markazi Aniq va tabiiy fanlar metodikasi kafedrasi katta o‘qituvchisi U.Sh. Aslonov, Biologiya o‘quv xonalari va laboratoriya xonalarni jihozlashdagi muammolar va uning yechimlari mavzusida Biologiya kafedrasi katta o‘qituvchisi B.I. Jabborov, Boshlang‘ich sinf o`quvchilarini xalqaro tadqiqotlarga tayyorlash usullari bo’yicha Buxoro viloyat xalq ta’limi xodimlarini qayta tayyorlash va ularni malakasini oshirish hududiy markazi Maktabgacha, boshlang‘ich va maxsus ta’lim metodikalari kafedrasi o‘qituvchisi S.S. To‘rayeva, Maktab o‘quvchilarining onlayn olimpiadasi platformasi bilan tanishtirish bo’yicha Amaliy matematika va dasturlash texnologiyalari kafedrasi mudiri, f-m.f.n. O.I. Jalolovlar o’z ma’ruzalari bilan ishtirok etishdi.BuxDU Matbuot xizmati
