O‘zbekiston Respublikasi Prezidentining 2020 yil 3 dekabrdagi “Iqtidorli yoshlarni saralab olish tizimi va akademik litseylar faoliyatini takomillashtirish chora tadbirlari to‘g‘risida”gi PQ-4910-sonli qarori ijrosini ta’minlash maqsadida Buxoro davlat universitetida bir qator ishlar amalga oshirilmoqda. Jumladan, Buxoro davlat universiteti Qorako‘l akademik litseyida sportning shaxmat va boshqa turlari bo‘yicha klublar tashkil qilinib, to‘garaklar faoliyati tubdan yaxshilanmoqda. 2021 yil 8 yanvar kuni Qorako‘l akademik litseyi o‘quvchi va o‘qituvchilarining ommaviy sport va jismoniy tarbiya bilan shug‘ullanishlari uchun yaratilgan shart-sharoitlarni yaxshilash maqsadida Buxoro davlat universiteti tomonidan sport anjomlari va inventarlar taqdim qilindi.BuxDU Matbuot xizmati
