2020-yilning 13-noyabr kuni Buxoro shahar Furqat MFYda Buxoro shahar hokimi O‘.H. Jumayev, shahar hokim o‘rinbosari A.Hayitov , Buxoro davlat universiteti rektori O.X.Hamidov, maktabgacha va boshlangich ta’lim fakulteti dekani Q.R.To‘xsanov, maktabgacha ta’lim kafedra mudiri G.Q.Hasanova va shu kafedra o‘qituvchilari, 4-son IDUM jamoasi, 3-son MFY raisi Z.N.Karimova shuningdek “Ma’rifat” targ‘ibotchilar guruhi va Yozuvchilar uyushmasi a’zolari, siyosatchilar, olimlar, madaniyat arboblari, san’atkorlar, psixologlar ishtirokida "Yangi O'zbekiston - yangicha dunyoqarash" mavzusida ma'naviy-ma'rifiy tadbirlar bo'lib o'tdi. Tadbirni Buxoro davlat universiteti rektori O.X.Xamidov kirish so‘zi bilan ochib berdi.O‘z nutqida mamlakatimizda davlatimiz rahbari tashabbusi bilan ishlab chiqilgan 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi doirasida xalq manfaatlariga qaratilgan odilona siyosatini amalga oshirilayotganligini shuning bilan birga yoshlarni madaniyat, san’at, jismoniy tarbiya va sportga keng jalb qilish, ularning axborot texnologiyalaridan foydalanish ko‘nikmalarini shakllantirish, kitobxonlikni targ‘ib qilish, xotin-qizlar bandligini oshirishga qaratilgan 5 ta muhim tashabbusni hayotga samarali tadbiq etilayotganligini e’tirof etib o‘tdi. Bugungi tadbirning asosiy maqsadi mamlakatimizda amalga oshirilayotgan keng qamrovli islohotlarning mazmun-mohiyati va ahamiyatini jamoatchilikka ta’sirchan usullarda yetkazish, aholining kayfiyatini ko‘tarish, ularga islohotlarga dahldorlik tuyg‘usini mustahkamlash, mehr-oqibat, shukronalik, o‘zaro yordam kabi milliy va umuminsoniy qadriyatlarni yanada kuchaytirishga qaratilganligi bilan belgilanadi. Bunday madaniy-ma’rifiy tadbirlarning boshqa mahallalarida ham tashkil etish kerakligini ta’kidladi.Shuningdek Buxoro shahar hokimi O‘.H Jumayev so`zga chiqib xalq farovonligi va yurt tinchligi yo‘lida amalga oshirilayotgan islohotlar, mamlakatimizning keyingi yillarda jahon hamjamiyatida tutgan o‘rni va mavqei ortib borayotgani, ijtimoiy hayotga tatbiq qilinayotgan yangilik va o‘zgarishlar ahamiyatiga to‘xtalib, yo`llarning asfalt qilinishi, shahar ko`kalamzorlashtirish ishlari boshlab yuborilganligi tug`risida to‘xtalib o‘tdi. Tadbirda “Shukronalik” videoroliklari mehmonlarga namoyish etildi. G`afur G`ulomning “Shum bola” asaridan parcha ijro etildi. Furqat MFYda tashkillashtirilgan ma’naviy-ma’rifiy tadbirda respublika Buxoro viloyat ma’naviyat va ma’rifat markazi “Ma’rifat” targ‘ibotchilar guruhi va Yozuvchilar uyushmasi a’zolari, siyosatchilar, olimlar, madaniyat arboblari, san’atkorlar, psixologlar hamda yoshlardan iborat Respublika targ‘ibot guruhi a’zolari, jurnalistlar ham o‘z chiqishlari bilan qatnashdilar. Tadbirda mehmonlar o‘zlarining «Yangi O‘zbekiston – yangicha dunyoqarash» shiori ostidagi olib borilayotgan keng ko‘lamli islohotlar, rahbarlarning mahallalarga borib xalqning ruhiyatini ko‘tarishi, ularga shukronalik hissini uyg‘otish, vatanga sadoqat, tinchlikning qadriga yetish kabi qator masalalar haqida o‘z fikr-mulohazalarini bildirdilarTadbirda targ‘ibot guruhi a’zolari globallashuv zamonida yoshlar tarbiyasida keksalarning o‘rni, jamiyatda xotin-qizlar faolligini oshirish, yoshlarni ijtimoiy faollashtirishga qaratilgan innovatsion yondashuvlar haqida so‘z bordi. San’atkor va shoirlar o‘z ijod namunalaridan ijro etishib, tadbirga bayramona ruh bag‘ishladilar. Shu kuni 4-son IDUM da ommaviy sport tadbirlari tashkil etilib, unda maktab o‘quvchilari, nuroniylar, yoshlar va xotin-qizlar o‘rtasida sportning shaxmat, shashka, voleybol va basketbol turlari bo‘yicha musobaqa ham o‘tkazildi. BuxDU Matbuot xizmati
