Ma’lumki viloyatimiz bo‘ylab O‘zbekiston Respublikasi Konstitutsiyasining 28 yillik bayramini nishonlash arafasida Respublika Ma’naviyat va ma’rifat markazining “Yangi hayot” targ‘ibot-tashviqot loyihasini amalga oshirish maqsadida O‘zbekiston Respublikasi Prezidenti Administratsiyasi tomonidan “Mamlakatimizda amalga oshirilayotgan islohotlarning mazmun-mohiyati va ahamiyatini keng jamoatchilikka “Mahallabay” yetkazishni tashkil etish chora-tadbirlari to‘g‘risida”gi yig‘ilish bayoni asosida ishchi guruhlar tashkil qilinib, mazkur ishchi guruhlarning asosiy vazifasi joylarga chiqqan holda aholini yurtimizda va dunyoda bo‘layotgan siyosiy, ijtimoiy-iqtisodiy vaziyatdan xabardor qilish, mamlakatimizda amalga oshirilayotgan islohotlarning ijobiy natijalarini yoritish, fuqarolarning kayfiyatini ko‘tarish, ularda ishchanlik ruhini hosil qilish, aholi orasida shukronalik, o‘zaro mehrlilik munosabatlarini kuchaytirishga qaratilgan madaniy-ma’rifiy tadbirlarni tashkil etishdan iboratligi belgilab berildi.Buxoro shahridagi “Varaxsha” mahallasida ham mazkur “Yangi O‘zbekiston – yangicha dunyoqarash” ma’naviy-ma’rifiy targ‘ibot tadbirlariga tayyorgarlik jarayonlari holati Buxoro davlat universiteti Xorijiy tillar fakulteti Ingliz adabiyoti va stilistika kafedrasi jamoasi – kafedra mudiri f.f.n. dotsent H.O‘.Yusupova, kafedra dotsenti PhD R.R.Kasimova, kafedra katta o‘qituvchisi G.I.Xamrayeva va kafedraning yosh, shijoatli o‘qituvchilari Sh.Sh.Hamroyeva va H.H.Hakimova tashkil topgan ishchi guruh tomonidan o‘rganildi. Ishchi guruh a’zolari “Varaxsha” mahallasi jamoasi bilan rejalashtirilgan tadbirga tayyorgarlik jarayonlarini ko‘rish maqsadida Buxoro shahridagi 34-o‘rta umumta’lim maktabiga tashrif buyurdilar. Mazkur mahallada “Yangi O‘zbekiston – yangicha dunyoqarash” ma’naviy-ma’rifiy targ‘ibot tadbirlari ko‘tarinki ruhda boshlash maqsadida mahalla raisi N.S.Xusenov bilan birgalikda tadbir o‘tkaziladigan maktab binosini ko‘zdan kechirib chiqdilar va tadbirga tayyorgarlik borasida kerakli tavsiyalarni berdilar. \BuxDU Matbuot xizmati
