Hurmatli hamkasblar! Universitetda Yevropa Komissiyasining Erasmus+ dasturi doirasida Latviya, Litva va Finlyandiyalik xorijiy hamkorlar bilan 2020-2023 yillarda amalga oshiriladigan “BioEkUz – O‘zbekistonda bioiqtisodiyotni barqaror rivojlantirish uchun yangi magistratura dasturi” grant loyihasi yutib olindi.Loyiha koordinatori: Latviya tabiiy fanlar va texnologiyalar universiteti (Latviya).Yevropa Ittifoqidan hamkorlar: Buyuk Vitovt nomli universitet (Litva), Yuvyaskyulya amaliy fanlar universiteti (Finlyandiya).O‘zbekistondan hamkorlar: Toshkent davlat agrar universiteti, Toshkent irrigasiya va qishloq xo‘jaligini mexanizasiyalash muhandislari instituti.Loyiha doirasida mamlakatimiz uchun yangi bo‘lgan Bioiqtisodiyot sohasida xorijiy tajribadan foydalangan holda magistratura dasturini yo‘lga qo‘yishdir. Buning uchun Yevropa Ittifoqidan hamkor universitetlar yordamidan foydalanish, o‘quv materiallarini tayyorlash, hamkor universitetlarda malaka oshirish safarlarini amalga oshirish rejalashtirilgan.Belgilangan maqsad va vazifalardan kelib chiqqan holda, Buxoro davlat universiteti pedagog xodimlari, tadqiqotchilari va iqtidorli magistrantlardan tarkib topgan ishchi guruh tarkibini shakllantirish bo‘yicha tanlov e’lon qilinmoqda.Tanlovda ishtirok etish istagida bo‘lganlar quyidagi talablarga mos kelishlari zarur:1) Iqtisodiyot, xususan qishloq xo‘jaligi iqtisodiyoti, resurslar iqtisodiyoti, oziq-ovqat xavfsizligi, bioresurslar, sanoat iqtisodiyoti kabi sohalarda ilmiy va ta’lim faoliyatini olib borish;2) Ingliz tilida yetarli ko‘nikma va malakaga ega bo‘lish;3) Axborot texnologiyalarini yaxshi o‘zlashtirganlik;4) Jamoada ishlash, vazifalarni o‘z vaqtida va sifatli bajara olishlik.Ishchi guruh tarkibiga kirish uchun tanlovda ishtirok etish uchun nomzodlar quyidagi ma’lumotlarni 10 dekabr kuniga qadar (shu kuni ham) This email address is being protected from spambots. You need JavaScript enabled to view it. elektron adresiga uzatishlari so‘raladi:- Tegishli soha va ingliz tili bo‘yicha tajriba, bilim va ko‘nikmalarini ko‘rsatuvchi hujjatlar to‘plami (diplomlar, ma’lumotnoma-ob’yektivka, sertifikatlar va boshq.).- Loyiha ishida ishtirok etishdan ko‘zlangan maqsad va shaxsiy motivasiya ko‘rsatib o‘tilgan, ko‘pi bilan 1-1,5 bet hajmli xat.BuxDU Xalqaro hamkorlik bo'limi
