Kuni kecha Buxoro davlat universiteti Iqtisodiyot va turizm fakultetida “Aholini ro'yxatga olish” mavzusida seminar o’tkazildi. Tadbirda Buxoro viloyati Statistika bosh boshqarmasi ro‘yxatga olish jarayonlarini tashkil etish va o‘tkazish bo’limi yetakchi mutaxasisi Husenjon Fattoyev, Iqtisodiyot va turizm fakulteti yoshlar bilan ishlash bo’yicha dekan muovini, Iqtisodiyot kafedrasi Statistika fani o’qituvchisi Laziz Jiyanov va Iqtisodiyot kafedrasi dotsenti, i.f.n. Statistika fani o’qituvchisi Xolmurod Mo’minov va fakultetning 1 kurs “Statistika (tarmoqlar va sohalar bo’yicha)” ta’lim yo’nalishi talabalari ishtirok qilishdi.Mutaxassislar shuningdek, fuqarolarga aholini ro‘yxatga olish tadbirining mazmun-mohiyati hamda mamlakatning ijtimoiy-iqtisodiy dasturlarini ishlab chiqishdagi ahamiyati, aholini ro‘yxatga olish sohasidagi ilg‘or tajribalar, ro‘yxatga olish jarayonida amalga oshiriladigan ishlar bo‘yicha ma’lumotlar berishdi.Aholini ro‘yxatga olish jarayoniga ketadigan vaqt va savolnomalar mazmun-mohiyati, aholini ro‘yxatga olish savolnomasi shakllari va ularni to‘ldirish yo‘riqnomasini dastlabki sinovdan o‘tkazish, aholini ro‘yxatga olish savolnomalarini to‘ldirishga sarflanadigan vaqt va savollarning aholiga mazmunan tushunarli bo’lishi ta’kidlandi.Tadbirda aholini roʻyxatga olishning dolzarbligi, shakllantiriladigan ma’lumotlarning ijtimoiy-iqtisodiy davlat dasturlarini ishlab chiqishdagi muhim ahamiyati toʻgʻrisida soʻz yuritildi. Seminar davomida kuzatuvchilarga aholini roʻyxatga olish savolnomasi shakllarini toʻldirish bo‘yicha batafsil tushunchalar berildi.Seminar qizg’in savol-javoblar asosida o’tdi, mutaxassis va Statistika fani o’qituvchilari talabalarni qiziqtirgan savollariga javob berishdi.BuxDU Matbuot xizmati
